السبت، 5 سبتمبر 2009

قولت ادعولى مش ادعو عليا


ااااااه يا حبيبى يا منخورى
حرام عليكم بقى كده هى دى وصيتى اللى قولت ليكم
ادعولى
ده كله عشان قولت هاسيب التدوين شوية
هو انا بصراحة اللى غلط ساعة ما قولت نهائيا
هى مؤقتا
بس انا رجعت وكتبت فى التعليقات
هان عليكم العيش والبطيخ اللى اكلنا سوا
ها ها ها لا خلاص راحت
اصلى كنت عايزة اعطس
ماشى ده انتو زعلكم وحش اوى
خلاص توبة
سماح بقى بس زى ما اتفقنا مؤقتا
لانى انا اللى مقدرش استغنى عنكم ابدا
عذرا عشان يعنى مالونتش فى الخط ولسوء البوست
لانى عنيى مش شايفة حاجة اصلا مغبشة
ومش مركزة فى حاجة خاااااااالص
موبايلات بقى هه
سلامات سلامات

هناك 19 تعليقًا:

بيطرية ومش بايدى يقول...

على فكرة محدش فيكم سمع الانشودة اللى جبتها فى البوست اللى فات على فكرة دى جامدة جدا ارجعوا وقولولى رايكم

حفيدة عرابى يقول...

الف سلامة عليك ياقمر
بس هى انفلونزا ايه؟
هه
ايه؟
والحمد لله انك رجعت عن قرارك التاريخى بالتنحى
الظاهر ده قدر كل المتنحين
البلوجر نور من تانى

adel يقول...

ايوة كده
بنات مبتجيش غير بال ......

ومستني بوست جديد

الا تسيب التدوين قال :@:@

هداية يقول...

الف سلامه عليكى يا قمر

وربنا يشفيكى

تحياتى

------ يقول...

الف سلامة حبيبة قلبى على منخاارك

حمدا لله على سلامتك
واكيد كلنا فرحانين علشان تخليتنى عن قرار التنحى

دخلتوا فى البت شمال اول ماكتبت
البنت جاتلى منهاره ههههههه
وعنيها حمرة بتشتكى مكنكم
ومنخاره ورم من كتر العياط

بس اعذريهم اكيد زعلواا علشان قرارك دا

يلا بقى مستنين بوست جديد منور بأحسن بيطرية

بيطرية ومش بايدى يقول...

لقد خلقنا الله احرارا
الله يسلمك يا جميل
اطمنى انفلونزا عادية بتاعت البنى ادمين
والبلوجر منور بصاحبه

بيطرية ومش بايدى يقول...

adel
مااااااااااشى ما كنت تكمل ياراجل
طب مفيش الف سلامة مفبش الف لا بأس عليك
على طول كده شمال لن انسى لك هذا الموقف
وبعدين اصبر افوق من الغيبوية دى بتاعت الافلوزة
وبعدين اعمل بوست جديد

بيطرية ومش بايدى يقول...

هداية
ايوة كده هو ده الكلام ربنا يخليكى ليا يا جميل
الله يسلمك
ابقى علمى دولة اللى عايز يتضرب

د/ أحمد لاشين يقول...

الف سلامة يا دكتورة
الناس دول عنيهم وحشة
بس معرفناش المناديل اللي في الصورة نوعها ايه ؟؟؟
المهم تكوني حرمتي تفكري في موضوع من جانب واحد او تتسرعي وتقولي اسيب التدوين
والا
إن عدتي لذلك
ستعود العيون ال.... ل... ومناخيرك تتعبك تاني

كان العرب قديما يحسدون وورد في الاثر ان العين تدخل الجمل القدر كما تدخل الرجل القبر
وكان بالفعل بعضهم يسيرون خلف الحسود لتيقنهم انه سيحسد الابل وستذبح ويأكلون منها ايضا

عافانا الله وعافاكم
ونعوذ بالله من شر حاسد اذا حسد

طبعا لو حد حسد اكيد انا لحسن حد ياخ كلام علي نفسه :):):)

بيطرية ومش بايدى يقول...

الله يسلمك يا جميل
شوفتى منخورى بقى احمرا خالص
ادعيلى بس عنيا متزغللش ومايجليش عمى الوان من الافلوزة
وانا ان شاء الله هاعمل بوست حلو

بيطرية ومش بايدى يقول...

د/ احمد لاشين
الله يسلمك يا دكتور
ده مش عين واحدة ده كل واحد ليه اتنين شوف بقى هتبقى كام ماتعدش
وبعدين يحسدوا على ايه ما باب النجار مخلع
وعلى فكرة انا ماسرعتش فى القرار ده انا استشرت فيه ماما وبابا شخصيا
وقالولى كده حلو على الاقل لحد رمضان مايخلص
واما المناديل فبلاش عشان ماتبقاش دعاية

micheal يقول...

ألف سلامة عليكي وأهلا بالعودة

شوكولاتة يقول...

أنا مش جاية أرد الزيارة ولا حاجة بس المدونة دي حلوة قوي فعلا أنا قريت بوستات كتير فيها وعجبتني والحمد لله إنك رجعتي تاني للتدوين وسلامتك ألف سلامة

تحياتي

Qatarat Nada يقول...

والله بصي بقى
انا بيتهيألى ان ى تانى او تالت مرة ادخل مدونتك
ولسة ما اتعرفتش عليكي
بس مش حتحرج او اتكسف انى اقول انك لو سيبتي التدوين حموتك
لان انا بحب مدونتك جدا
وياويلك ويا بياض نهارك
لو فكرتى انك تقفلي المدونة
اهه وقد اعذر من انذر ولا مش عارفة بيقولوها ازاى
وانتى حرة
وعلى فكرة
بحبك اووى في الله

بيطرية ومش بايدى يقول...

micheal
الله يسلمك تسلملى يارب
منور البلوجر

بيطرية ومش بايدى يقول...

شكولانة
ربنا يخليك واهو انتى اللى جميلة
ده انتى تلاقيك بس عشان مسكرة شوية فبتلاقى كل حاجة حلوة
شرفتينى يا فندم وبرده لسه عند طلبى ف كرتونة الشيكولاتة وهاسيبك انت تنقى النوع ايه رايك طلباتى قليلة مش كده(ههههههه)

بيطرية ومش بايدى يقول...

جنة الله
انتى سكر والله وانا بحبك فى الله اكتر منك
وياستى عشان خاطرك انا هاكمل عشان بس اتعرف عليك
يارب يعينك ف الثانوية العامية شد حيلك اوى ف سنة تانية هترتاحى ف تالتة واسالى مجرب بس اوعى تدخلى بيطرى فاهمة يحسن انا اللى هاموتك انت ان شاء الله هتكونى احلى واعظم بنوتة ف الدنيا وانت اللى هترفعى شان الاسلام وتعزيه وتكونى بالفعل جنة يسعد بها كل من يتسلل اليها ويحاول ان يقتحمها

د/ أحمد لاشين يقول...

كده منقدرش نتكلم
ماما وبابا خلاص
يعني لو قالوا انا اسيب النت هأسيبه
لهم كل الحقوق
وعلينا تجاههم كل الواجبات
لو مسمعناش الكلام يبقي كل كلامنا مجرد شعارات
ربنا يكرمك ويبارك لك فيهم

the giving river يقول...

ازيك بيطريه وكل سنه وانتى طيبه
دى اول زياره ليه هنا وانشاء الله هضيف مدونتك واتابع البوستات الجديده كلها وعلى فكره البوست اللى فات تحفه اكتر من رائع والله
ومستنى تعليقك عندى على البوست الاخير (قمة حب) لا ن تعليقك يهمى واكيد وتنورى المدونه والله ودى حاجه تسعدنى ومستنى تعليقك
دمتى بخير وسعاده
تحياتى
محمد