سريعا وفى عجالة

سريعا كده وفى عجالة وبدون اى صور او اى مقدمات
اولا كده السلام عليكم ورحمة الله وبركاته
ثانيا كل عام وانتم بالف خير
ثالثا لازم ننفذ قول الله فى كتابه العزيز( وتعاونوا على البر والتقوى)صدق الله العظيم
وزى ماتعاونا فى الحملة القديمة بتاعة مستشفى السرطان
عايزين نتعاون فى حملة دار الاورمان ان شاء الله
وللتفاصيل لازم نزور مدونة اخونا الفاضل طهر فؤادكhttp://rasoulallah1.blogspot.com/


رابعا فى موقع جميل جدا لنصرة الحبيب صلى الله عليه وسلم
بابا اكتشفه وهو بيقرا جرنال وكان عايز ينشر الموقع بس معرفش ازاى
فانا قولت بما ان المدونة هى طريقى الوحيد الفعال فقولت انشره
انا حاسة ان كتير منكم يعرفه قبل منى يارب تكونوا كده
واداى اللينكhttp://www.rasoulallah.net/index.asp


خامسا حبيبتنا ونور عيونا كلنا ايثار جمال ومدونتها باربى عايزين برده نعمل للبنية
جو كده ونخلى زوارها ناس كتير عشان هى لسه طفلة واكيد الحاجات دى بتفرق معاها
واكيد بتفرق معانا كلنا
واداى اللينك بتاع السكرةhttp://barbie-girle.blogspot.com/



واخيرا بشكر كل من سأل عليا
وبقولهم محدش يزعل منى على الاقل ف الوقت الحالى انا خلاص امتحاناتى على الابواب
يمكن مارجعش تانى ادعوووووووووووووولى الله يخليكم
ومايوقعكم ف ضيقة ومايحوجكم لحد
دعواية تمنع بلواية وهنيالك يا فاعل الخير والثواب

جزاكم الله كل خير

غاية لا تدرك

ضحكتٌ فقالوا : الا تحتشم

بكيتٌ فقالوا : الا تبتسم

بسمتُ فقالوا:يرائى بها

عبستُ فقالوا: بدا ماكتم

صمتُ فقالوا: كليل اللسان

نطقتُ فقالوا: كثير الكلام

حَلمِتُ فقالوا: ضعيفٌ جبان

ولوكان مقتدراً لانتقم

بَسِلتُ فقالوا:لبطشٌ به

ولوكان مجترئاً لو حكم

فايقنتُ انى مهما أرد

رضى الناس لابد ان اٌذم

رضى الناس غاية لا تدرك

نقوووووووووووول تانى واوعوا تنسوا

نقوووووووول تانى

تانى وتالت ورابع بيحب ولا ينسانيش

احم احم سيبك بقى من لطيفة وظريفة

وهاقول كلمتين مش اكتر من حرفين

قولتولى ريحينا وقوليلنا احنا فين

وجالكم الرد

وسيبك بردك من حليم

المهم يا جماعة الدور جه عليا

والحمد لله مازادش منى ولا نقص منى حاجة

بس احب انوه تانى

قد اعلنت قناة الcnn

وجريدة الbbc

وبالاضافة الى جريدة ال wc

ان فى شخص ما يدعى حيوان كبيييير

اه اسمه كده حيوان كبييير وتخين كمان

عمل معايا زى ما عمل مع الباقيين

واخد اسمى وصورتى والبروفايل بتاعى

وبيكتب منه كلمات حيوانة زيه

بس هو ده كل الموضوع

فياريت كلنا نعمل اشراف على التعليقات

لحد ما ربنا ياخده ويريح العالم الحيوانى منه

لانى اعتقد بل انى متاكده انه لا ينتمى لفصيلة البنى ادمين

سؤال اخير يا جماعة

هو انا كده احتمال اكون بيسئ لسمعة الحيوانات مش كده

بما انى بادعيه بحيوان صح

ولانى بخاف على الحيوانات

لانى بعالج (روح بطيع ربنا)

فانا هاسحب كلمة حيوان

وهاسيبكم انتم تسموه زى ما انتم عايزين

وهاصحح الاية هى كانت غلطة مطبعية مش اكتر

قل لن يصيبنا الا ما كتب الله لنا

صدق الله العلى العظيم

اه وماتنسوش كل اللى داخل جديد يقرا البوست اللى تحتيه

عشان بهديه لكم

وهتوحشووووووووووونى اوى

بس يارب المرة دى مش اطول

دعواتكم معايا

ولا بيهمنى ابدا منهم

اولا السلام عليكم ورحمته وبركاته

احبائى اعزائى بلاش نقول فلذات اكبادى

شعار اسرة بلوجر ابدأ ............

اخص مش حافظين شعار الاسرة

ياشماتة ابلطاظة فيا :((((((

ولا انا كمان حفظاه :)))))

بجد بجد وحشتونى موووووووووووووووووووت

لو قعدت اكتب واقول قد ايه وحشانى تعليقاتكم والرد عليها

هاقعد اكتب يومين قدام كمان

بس انا جيت وانا مبسوطة النهاردة مش عارفة ليه

حاسة بحب من كل اللى حوليا ماحستوش قبل كده واهتمام كبير اوى بيا

والله كأنه بيتى التانى كأنه ايه ده بيتى التانى فعلا

لازم اطمن على كل حد موجود فيه

المهم انا وانا بفر فى اجندتى القديمة لقيت حاجة كنت نقلاها من مجلة باين ولا ايه

المهم لقيتها حلوة اوى وجاية فى الوقت المناسب

هاسيبكم بقى معاها ويارب يارب تعجبكم

اه وعلى فكرة انا بهديها لاى حد كنت مقصرة معاه ف المتابعة وكده

وبقولهم كيف انساك؟؟؟؟؟؟؟؟؟

كيف انساك وحياتى رهينة بين يديك

كيف انساك وسر سعادتى بين شفتيك

كيف انساك وكل املى نظرة من عينيك

كيف انساك وماالبدر الا وهج من سناك

فكيف انساك ؟؟؟؟؟

كيف انساك وانت لشراعى درب النجاة

كيف انساك وانت قدرى الذى لا ابتغى بديلا سواه

كيف انساك وانت فى قلبى سر لم ادر معناه

كيف انساك وحياتى كلها قفر سواك

فكيف انساك؟؟؟؟؟؟؟؟؟؟!!!!!!!!!

اه وعلى فكرة يا جماعة لازمن لازمن ولابد ندعى كلنا لبعضيشنا

ونقول يارب يارب يجمعنا على خير دايما

وانه يرزقنا حبه وحب من يحبه وحب كل عمل يقربنا الى حبه

اسيبكم بقى تعلقوا براحتكم وادخل انا انام يحسن ورايا كلية بدرى

واول سيكشن ايه ؟؟؟؟ تفتكروا ايه !!!!!! تشرييييييييح

دعواتكم معايا بقى

والسلام مسك الختام

تحديث مهم يا جماعة

عادى جدا وانا كنت مستنية دورى

بس هاقول قل ما يضيبنا الا ماكتب الله لنا

وهافضل اقول ربناااااااا كبييييييييييييييييير اوى وبيخلص اول باول

انا يا جماعة برده اتعمل معايا نفس اللى اتعمل مع شاب فقرى وعاشق الجنة

صلى على النبى وبرده دخلوا عندى وكتبوا كالعادة كلام قذر زيهم

بس عااااااادى ايزى موزوا عشان اما تلاقيه مش هتعوزوا

انا حبيت انوه بس للمرة التانية

وانا اصلا كتبت العنوان كده من الاول

دمتم فى حفظ الله ورعايته

وادعوا يا جماعة لاى حد عنده هم او غم او كرب ان ربنا يزيل له اى هم هو شايله

الحمد لله

اللهم لك الحمد كما ينبغى لجلال وجهك وعظيم سلطانك

بجد بحمدك يا احلى واجمل حبيب ليا ياالله تنزهت وتقدست عن كل مكروه

انا جيت النهارده عشان اقولكم انى فرحانة اوى وسعيدة جدا جدا جدا بتعليقاتكم

وكان نفسى ارد عليكم واحد واحد بس انا فكرت انه ممكن ياذيكم زى مااذى غيركم كتير

ولاننا مسلمين ومتحابين ف الله ولانى بجد ومن غير اى نفاق بحبكم اوى وبحمد ربى

انه عرفنى عليكم

فانا خفت انى انشر تعليقاتكم وانتم بقى فاهمين الباقى

بس انا اظن ان عنده انفصام ف الشخصية او مختل عقليا مش عارفة اكيد عجز الطب عن تشخيص مثل هذه الشخصية السيكوباتية

كفاية بقى اديله حسنات على الفاضى

نخش ف الموضوع بقى يا جماعة

بصوا اكيد زى مااذى الاستاذ طه وشاب فقرى وغيرهم اكيد لازم ياذينى

وهو بنفسه قالى كده

بس انا مستبيعة طظ ف المدونة طظ ف الحساب اهم حاجة ربى

فلو لقيتم اى حاجة مش ولابد مكتوبة تحت اسمى اعرفم ان دى عمرها ماتكون كتابتى

واكيد انتم عارفنى كويس فمش هتصدقوا

ولو لا قدر الله حصل اى حاجة والمدونة باظت وهو اخدها لحسابه

عندى من الحبايب الف لا قول مليوووووووووون

مقدرش استغنى عنكم ابدا هادخل واعمل مدونة جديدة واسم جديد ومواضيع جديدة

ولحد مانشوف الامور هتستقر على ايه لكم منى افضل الدعاء لكم

واطيب التحيات واجمل واعذب حب ف الله لكم جميعا

نستودعكم الله الذى لا تضيع ودائعه

سبحانك اللهم وبحمدك نشهد الا اله الا انت نستغفرك ونتوب اليك سبحانك ربى رب العزة عما يصفون وسلام على المرسلين والحمد لله رب العالمين

بسم الله الرحمن الرحيم :والعصر ان الانسان لفى خسر الا الذين امنوا وعملوا الصالحات

وتواصوا بالحق وتواصوا بالصبر

صدق الله العلى العظيم

الله اكبر

الله اكبر

فعلا الله اكبر على كل من طغى وتكبر

وهو المنتقم اللى هينتقم من كل واحد اساء لحبيبه

وقادر على انه يخسف بيهم الارض ويرينا فيهم عجائب قدرتك

يارب بحق هذا اليوم الكريم

وهذه الليلة العظيمة

نسألك يارب ان تخسف بكل من اساء لحبيبك

وجميع انبيائك الارض

وترنا فيه عجائب قدرتك

ويارب لا تطلع عليه شمس نهار الغد

يارب استجب دعائى يارب

صلى الله عليك يا حبيبى يا رسول الله

وعلى جميع الانبياء الذين سبقوك

لينشروا دين السلام

اللهم صلى وسلم وزد وبارك على انبيائك ورسلك

وانتقم من الملحدين

يارب اجب دعائنا

ياحبيبى يا رسول الله نفتديك بمالنا واولادنا وابائنا وانفسنا

ودماءنا

يا جماعة صلو ا على المختار وعلى جميع الانبياء قدر ماتستطاعوا النهاردة وبكرة
وكل يوم
وامنوا على دعائى اللى فوق ده
ولو عندكم ادعية اكتر من كده قولوها وانا هامن ورائكم على طول
عايزين نحقق حملة المليار صلاة على النبى
وندعى على كل من يتجرأ على الله ويسبه او يسب حبيبه او اى احد من رسله

واحب اوضح لغير معرف اللى علق ف البوست اللى انا حذفته
انا عمرى ما كانت مدونتى مكان للالحاد او كفر
وجزاكم الله خيرا على الاتهام ده


اه وحاجة اخيرة ياجماعة عاشق الجنة من الاخوان المسلمين صلى على النبى
زميلنا ف المدونة فى واحد ملحد ولص انتحل شخصيته بصورته وحسابه على الجوجل
وبيسب ف الله ورسوله وانبيائه
ارجو منكم انكم تعملوا اشراف على التعليقات عشان مايصيبكم بالفاظه القذرة
وادعوا لاخونا طه انه ينصره على المحتال اللى سرقه
وانا بطلب منه يقفل المدونة دى خالص ويعمل مدونة جديدة افيد له
واجرك عند الله اكيد
وصلوا على سيد المحبين والمحبوبين سيد الخلق اجمعين
اسيبكم انا عشان اتفرج على مصطفى حسنى على قناة اقرا دلوقتى

ياجماعة الحوار الحى بتاع مصطفى حسنى اتاجل لبكرة ان شاء الله ف نفس الميعاد

الساعة 9 مساءا بتوقيت القاهرة على قناة اقرأ

نسينا.......

ابدأها دايما بسم الله عشان رزقى ورزقك على الله

وعشان مابنلجأش لغير الله تخلى توكالك على الرحمن

دى الصحراء تبقى بامره طوفان

لو جوه قلبك نار بركان مين هينجيك غير الله

وعشان بقالى كتير مااتكلمتش معاكم لازم ابدأ كلامى

باحلى تحية واقول سلام عليكم ورحمة الله تعالى وبركاته

وعشان النهاردة الجمعة لازم نصلى على حبيب الملايين حبيب المسلمين

عليه افضل الصلاة واتم التسليم

عشان ربنا يصلى علينا ويكتبنا من المغفورين لهم

بغض البصر عن الصورة اللى فوق دى انا لاقيتها معبرة عن كل اللى فى نفس

اى واحد انه يقوله

ماعليناااااا

انا المفروض كنت انزل البوست ده من اسبوعين تلاتة

بس حصلت ظروف كده!ماعلينااا

بس زى ما بيقولوا كل تأخيرة وفيها خيرة

انا لاحظت حاجة كده بس مش حلوة خالص

كل مرة يبقى فى حصار ولا مذبحة ولا اما يجد جديد فى غزة ولا فى فلسطين

عامة. نهيص فى الهيصة فى وسط الزحمة ونعمل مظاهرات ونعيط ونتأثر بالاغانى

والافلام الوثائقية وندعى ربنا فى ساعتها وخلاص

طب وبعدين............

هس لاحس ولا خبر ولا كأن فى حاجة حصلت ونمارس الحياة عادى جدا

انا مابقولش نبقى صلاح الدين اللى كان مابيضحكش واما اتسأل

قال كيف اضحك والاقصى اسير

لالالالا اوعى حد يفهمنى غلط

بس نفسى اما نبتدى حاجة نكملها للاخر مش نروح ونقولوهم عدولنا

ياريت تكونوا فهمتوا قصدى

وربنا عالم ان انا كنت عايزة انزل البوست ده من يوم السبت اللى فات

بس برده الظروف مش سايبانى فى حالى ما علينااااااا برده

اقولكم بقى على سبب انى انزله النهاردة انا شوفت حاجة على قناة العربية وجعتنى اوى

شوفت اطفال فلسطين عاملين برلمان

اه والله برلمان الطفل الفلسطينى تخيلوا رافعين شعار ايه؟؟

اتذكرونا!!!!

بيقولوها لكل المسئولين سواء ف فلسطين ولا العالم العربى كله بيقولوا

كمان قتلتوا براءتنا مش عارفين نعيش حياتنا بدى العب ويا اصحابى ف الحارة

بدون مايجى صاروخ علينا ويقتلنا

وغيرالكلام ده كتير

وجعنى اوى الكلام ده ولا تتخيلوا اصلا منظرهم وهما بيقولوه كان عامل ازاى

بس خلاص انا كده خلصت اللى كنت عايزة اقوله ويارب يكون وصلكم اللى

نفسى فيه

انا هاسبيكم بقى مع البوست الاصلى اللى كاتباه دموع القمر

ونزلته فى المدونة بتاعتها وكان المفروض انزله معاها

لعل وعسى اللى ماشفهوش عندها يشوفوه عندى

ويعمل بيه

ملاحيظ::خلى بالكم اوى من الفيديوهات الموجودة هنا

وركزوا ف الاخير اوى اوى اوى

رحماك يارب

غزة فى حصار صواريخ ليل نهار

اطفال يتألمون

وشيوخ يبادون

ونساء يصرخن

وعزل يدافعون

والادهى والامر

ان اليهود يصفقون لبعضهم البعض ويبرروا ما يفعله اليهود الاخرون

احقا انقلبت الاية؟؟؟؟؟؟
مع كل هذا قنوات تبث الغناء والحفلات
وأخرى تعرض الأفلام و المسلسلات
وكأن أمر المسلمين لايهمهم
دون مراعاة لمشاعر المسلمين
ألهذا وصل الحال بنا ؟؟؟

السنا جزء لايتجزأ
يؤلمنا مايؤلمهم ؟؟؟؟
أي ذنب ارتكبوه ليفعل الصهاينة مافعلوه ؟؟؟
وأي ضعف يعيشه المسلمون
ألسنا كجسد واحد إذا اشتكى منه عضوا تداعى له سائر الجسد بالسهر والحمى
إذا مابالنا لا نشعر بما يشعرون
ولا نتالم كما يتألمون
أو أننا نشعر ونتخاذل
أم أننا فعلا عاجزون
انا مش حاطة الصور دى علشان نبكى او نتألم انا حطاها علشان نتحرك علشان نفوق يمكن دا واحد على مليون من اللى بيحصل

ويمكن مش معبر
بس تخيل كمية الذل والمهانة اللى هما فيها

ماتت قلوب الناس ماتت بها النخوة
يمكن نسينا فى يوم ان العرب اخوة
مات الاحساس جوانـــا ولا احنا اللى امــــــــوات
ولا ضـــمير العالم خلاص احســـــاسه مــــــــات
اطفــال شيـــوخ نسـاء تصرخ وما حدش سامـــع
اشـلاء دمـاء شـهداء و ضمــــــير العالم ضايـــع
يا امه صــــحى الهمه وصــــلى صوتك للكــــون
قتلوا رمــــــــوز الامه ولا حــــرك فينا سكــــون
نبــــكى ودمع الناس دمع بغــــــــير ريــــــــــــاء
فإذا غــفى الاحساس ماذا يفيــــــــد بكـــ
صحى قلوب الناس صحى بها النخوة اصرخ بكل احساس ان العرب اخوة

الضمير الآثم مش محتاج لاصبع قيام وعشان كدا حاكموا انفسكم قدام ضمايركم
ولازم تعرفوا ان شجره الظلم عمرها ما تطرح غير ظلم
ولو بالغنا في استسلامنا بيضيق فكرنا وعمرنا ما هنشوف الحقيقه
واللي بيصدق كدب الحياه بيسخر منه ضميره
وهتكون عواقب صمته اشد خطوره بكتير من اسبابه
واما الضمير الحي فهو مناره الانسان الى الصواب
ولازم نستعين بيه علشان نحقق حلمنا العربي
ويلا بينا نصحي الضمير ينطق والا يبقى ضمير
كلنا طبعا عارفين اللى بيحصل لاهلنا فى غزة على وجه الخصوص من جراء الحصار المفروض عليهم ..وكلنا طبعا متعاطفين معاهم ...بس للاسف التعاطف لوحده مش كفاية ..على فكرة التعاطف دى كلمة جديدة تضاف الى قاموس نشجب وندين ونستنكر ....والكلام الفارغ اللى كلنا عارفينه
اخوانا دول ليهم واجب علينا

اول واجب.........................الدعاء
افتكر كلنا ممكن ندعى بس المهم الدعا ما يكنش من على طرف لسانك ولا تخليص ضمير.. لا يكون طالع من قلبك.......العبرة بالاخلاص
ثانى واجب......................التبرع
باللى تقدر عليه من مال او ملابس ....اسال ودور على الناس اللى ممكن توصل الحاجة دى
ثالث واجب .....................انك تكون دايما على علم باخبارهم وتعرف اهلك واخواتك واصحابك واولادك باللى بيحصل هناك ( من لم يهتم بأمر المسلمين فليس منهم )

اعتقد انه واجب بسيط ممكن كلنا نعمله وربنا ينصرهم ويثبتهم

حاجة كمان عايز اضيفها
تخيل ان ابنك دخل غرفة العمليات يعمل عملية ممكن تتوقف عليها حياته او زوجتك فى المستشفى بتولد وفجأة الكهربة قطعت...ممكن تعمل ايه.............اهى غزة عايشة من غير كهربا
هل تتخيل انك ممكن تنام فى البرد القارص ده من غير غطاء .....معظم اهل غزة بينامو من غير غطا
ياريت اللى يقدر على حاجة من اللى الشيخ قالهم دول يعملها وياريت ما حدش يستهتر باى واحدة منهم ويقول هو الدعا هيعمل ايه .....من عارف ( رب اشعس اغبر لو اقسم على الله لأبره )
يامسلمين ايه الا جرى لنا
راحت فين فين همتنا
واقفين نتفرج على حالنا
حرمات تنهك
اراضى تغتصب
بيوت تتفجر
نبكى شوية وبعدين نقوم نمسح دموعنا
ونرجع من تانى نعيش حياتنا

هتلف الايام وبكرة هييجى علينا الدور
بس ساعتها
هتدافع عن حقك ولا تستسلم وتموت
امتى هييجى عليك اليوم
اللى هتتحدى فيه سكوتك
وتقوم تقول بأعلى صوتك
لا لاستسلام
انا مبقلش نقوم نحارب او نمسك سلاح
بس اقوى سلاح فى ادينا دلوقتى هو الدعاء
قوم وقول يارب
هو قادر ينصرنا
بس مستنى تحركنا
دا قال فى كتابه العزيز
(ان الله لايغير مابقوم حتى يغيروا مابأنفسهم )
صدق الله العظيم

اقسم بالله اني ممسكتش نفسى ودموعى نزلت غصب عنى
وانا اكتب البوست دا
اردت التعبير عن مشاعري والتكلم معكم واريد ان اسمع ارئكم وقولكم الذي انا اعلم جيدا انه لا يقل شئ عن مشاعري
وبجد نفسى اننا نكون ايد واحدة واى حد يقرأ البوست دا ينقله ويحطه فى مدونته
مش هتخسر حاجة لما تحطه عندك يمكن نقدر نصحى الهمة تانى
يمكن انا كنت زى اى حد افتح قناة الاقصى او الاخبار واتأثر شوية
وادعى او امسك مصحفى واصلى
وبعد كدا خلاص انتهى الامر على كدا
قولت للامتى هنفضل كدا
ليه مانقولش لا

كده كلام دموع القمر او همسات على ضوء القمر خلص

يارب تعملوا بيه ونكون فعلا ايد واحدة

اما اخر فيديو فده كنت بسمعه من زمان اوى

بس اما شوفت الاطفال النهاردة قولت هو ده اللى منطبق عليهم

ركزوا ف الكلام هتلاقوه صح

بس خلاص