الاثنين، 30 أغسطس 2010

اخيرا اتحقق

نبتدى منين الحكاية
نبدا بالسلام الاول
سلام عليكم يااجمل ناس 
واجدع شباب فى جمهوريتنا المبجلة
لو قعدت من هنا لحد كمان بوستين تلاتة اربعة خمسة
عشان اقول اخيرا شوفت الناس اللى بتفرحنى على الفيس
وعلى المدونة وبتحسسنى ان الدنيا لسه فيها امان وخيير كتيير اوووى
مش مصدقة ان الحلم اللى كان بيراودنى من اول مادخلت التدوين
وكل لقاء اقول امتى بقى يجى اليوم واروح
واهو جه ياولاد اهو جه ياولاد
احلى يوم فى احلى شهر فى حياتى كلها
اولا:توهنا شوية قبل ما نوصل وفطسنا من الحر
بس وصلنا على بركة الله 
دخلنا مكان التجمع ولاقيت 2 قمرات واقفين جمب بعضيهم
ورا المكتب وكلهم نشاط وجمال
الا وهم أ/داليا  قوس قزح
خيرة بطريقة غير عادية وتعبت فعلا فى التنظيم وتوزيع الحاجة
حبوبة اووى ورحبت بينا بشكل غير عادى
وفرحت جدا اما شوفتها
الام الروحية لينا كلنا فاتيما
طمطم وتيما والقمر كله
حنينة اووووى فاقت كل تخيالاتى وتوقعاتى والا الحضونات
بقى والبوسات اللى اخدتها تكفينى سنة قدام:)
اشاسا لو قعدت اتكلم من هنا لبكرة مش هاعرف اوصف احساسى
تجاه الاتنين دول

كان جمبهم بقى واحدة زى السكر ماكنتش اعرفها الصراحة
بس معرفتها كلها خير
م/ساجى
كانت بتنظم معانا  اللعب والهدوم وتعبت معانا فى الطلوع والنزول واللف
فى الادوار وكانت عزمانى على عربيتها عشان نروح المطعم
عشان كنت مكسحة تقريبا
بس كلام فى سركم بكسف
كان نفسى اسلم عليها قبل ماامشى بس هى كانت مشغولة 
وانا كمان كنت متاخرة اووى تتعوض ياسوسو
ويندا
مش هاعرف اقول حاجة عنها
كلهم قبلى وصفها وصف تستحقه بس شقاوة البنوتة
المصرية الحبوبة وشياكة .....
مش هاعرف اقول كمان
يمكن هى متعرفنيش بس كفاية انى عرفتها
وعلى الصعيد الاخر
عمهم كلهم
الاستاذ خالد همس الاحباب
حينما تذكر الشهامة والجدعنة ذكر استاذنا
تعب تعب بجد وفضل ياعينى واقف على حيله فى المطعم
لحد مااطمن على كل واحد ان وجبته واصلتله
تقريبا كده مفطرش ولا اكل حاجة
بجد اتشرفت جدا انى عرفته 
من الناس اللى تعمل الخير وترميه البحر 
ربنا يبارك فيه يارب ويخليه لهمس وشابى


أ/شيرين 
راجل وقور وطيب وشيك وجميل كفاية انه جه وشاركنا
احلى لحظات حياتنا واضفى عليها شيئا من الجمال
ملحقتش اعرف عنه الكتير 
بس كفاية انه كان منور ترابيزتنا اللى فى المطعم
كان فى اتنين معانا بيلفوا معانا ساعة ماكنا
بنوزع الشنط على الاطفال 
كان عندى احساس ان هما بس متاكدتش غير
اما رجعت ربنا يبارك فيهم ويخليهم لبعض
شفقة واحسان
والبقية تأتى من 
الشباب الصاعد طب والله شبابنا بخير 
يأتى فى المقدمة
أ/ضياء والعقل الراجح
رجل طويل والرجال الطوال قليل :D
ربنا يكرمه ويبسطه كمان وكمان
شاب فقرى 
نشاط وطيبة وجدعنة مع الكل
عادل البلد دى فيها حكومة
جه فى الاخر بعد ماخلصنا توزيع
غرامة تربنتاشر جنية
طبعا فى كتير يستحق التقدير والاحترام
انا ماكنتش اعرفهم من على المدونات
بس هما ناس كمل والله
من اول استاذ( وليد الدوغرى)
والاستاذ(مصطفى ريان)
وغيرهم اكيد اللى انا معرفهمش
بس بجد اجمل ناس شوفتها 
وفخورة انى قبلتهم
حلويات اللقاء بقى
القمرات اللى نوروا الدنيا كلها
واتبسطت انى قابلتهم
منونة القمرر السكر
فعلا يامنونة الصور شبهك
بجد انا فرحت اوى انى شفتك 
وماكنتش هاعرف انك موجودة لولا شاب فقرى
اكرمه الله
وطبعا تؤامك المتأخى
كيارا 
الدبوس ماوقعش ياكوكو:D
كنا مع بعض ف التوزيع ومعرفناش بعض
وقعدنا نشبه من بعيد
وطبعا قمرى وسكرتى وعسولتى
كيكى عووووو
العوووو بتاعتك ليها طعم تانى خالص
غير كل العووات اللى عرفتها قبل كده
اتشرفت بيكى ياقمر
ده غير
*رودى النشيطة الجميلة اللى مابطلتش حركة 
تعبت اووى ربنا يزيدك
*سونى 2000
قمرررر ومرحة وحبوبة
لحد دلوقتى معرفناش انتى جمعتنيا النهاردة ليه
سعيدة بجد انى شوفتك
موبايلات بقى هه مبوء باى
*فاطمة هادية اووى وسكر اووى
ربنا يكرمك يارب وتدخلى الكلية اللى نفسك فيها
*بنات المنيا
قمرات وروحهم حلوة ونوروا الترابيزة 
وضحكنا ضوحك كتييير 
بنات بجد زى السكر 
نوران
خيخية كنا حاسين انها هى 
شقاوتها فى المدونة هى نفسها اللى على الحقيقة
بس ملحقتش اسلم عليها لانى عرفتها فى اخر اللقاء
على بال ماسلمت على الباقى
كانت هى مشيت


فخووووووووووورة اووووى انى كنت معاهم 
احلى يوم قضيته فى حياتى ومش هانساه ماحييت

ملحوظة على جنب
طول البوست قاعدة بقول احنا احنا وكنا
حرف النون ده يعنى انا وحفيدة عرابى عرابية اصيلة
اشاسا لولاها ماكنتش جيت ولا روحت فى حتة
شجعتنى وونستنى وكفاية انها خلتنى افرح واتبسط
ويبقى عندى ذكريات حلوة افتكرها
يارب يخليها ليا ويكرمها دنيا واخرة

بس ودمتم
محدش يزعل منى لو مقولتش اسمه
الزوهيمر بقى

الثلاثاء، 10 أغسطس 2010

احنا وهما




سلام عليكم  
 ازيكم ازيكم يااللى احنا جينا نكتب عندكم
عاملين ايه من غيرى ياجماحة اكيد مظبطين تظابيط
كل سنة وانتم طيبين وبالف صحة وسلامة وخير
وسعادة وهنا وحلا ومنى وفتكات وسعادات ومبروكة كمان
ان شاء الله يكون رمضان كله خير وعبادة وسعادة على جميع الامة الاسلامية
المفروض ان انا اتكلم عن الاستعداد لرمضان بقى
بالصلاة والصيام والزكاة والقيام 
وصلة الارحام والصلاة بالليل والناس نيام
عشان ان شاء الله تدخلوا الجنة بسلام 
بس فكرة البوست ده طلب صغنتوت
من اى اب او ام او اى حد عنده طفل صغير
يقرب له من بعيد او قريب
مهم اووى ان احنا نعلى روحانياتنا ونسمو باخلاقنا 
فى الشهر الجميل ده بس الاهم ان احنا كمان نعود اطفالنا
على كده من صغرهم هيتعودوا ان ربنا ده اهم شيء 
فى حياتنا وقبل مانتصرف اى تصرف
نشوف هيزعله ولا لاء عشان نوصل لرضاه عننا
اه على فكرة الطلب ده هو حااجة انا سمعتها فى التلفزيون
حبيت اوصلها لاى حد ماسمعهاش لعل وعسى يكون الواحد عمل خير فى دنيته
خلص الكلام
الطلب :-ان كل يوم نعلم طفلنا ده اسم من اسماء الله الحسنى
مش هنعلمها لاطفالنا بكلام جامد اوووى او فى حاجات ميقدروش
يستوعبوها بس باسلوب سهل وبسيط اسلوب انت حاسه
ومستشعره وفى مواقف حصلتلك او حصلتله وافتكرت بيها اسم من اسماء الله
على فكرة ممكن تفسير الاستاذ الدكتور
محمد راتب النابلسى يفيدك فى كده
اسمعه هتلاقيه بسيط ومش معقد وباحساسك انت هتوصله لابنك 
ويـــــــــــارب
يكون رمضان جميل عليكم وعلينا
وتعود عليكم الايام بخير

رمضان كريم
رمضان مبارك 
عساكم من عواده 
عساكم بخير
كل سنة وانتم طيبين
بكل لغات الدول العربية
كل عام انتم بخير
ملحوظة ضعنتوتة
التورتراية دى للبص بس هه عشان محدش توزه نفسه
او يتهياله انه منكن يمد ايده وياكل حتة
لالا انا فى الحلويات معرفش ماماتى:))))