الجمعة، 28 أغسطس، 2009

الهدية دى من حبيبك اللى شايل همك وغمك
وفى عيد ميلاد ياريت تحس على دمك(هههه) اكيد فاهمة قصدى
كل سنة وانتى بصحة وسعادة وهنا وخير وسرور وانشراح وكل اسامى البنات اللى ف الدنيا

دى منى ليكى يا اعظم اخت ف الدنياااااااااااااااا دى كلها

بجد ريلى ريلى بموووووووووووووووت فيكى

ياعم الاسفلت قولها ان انا بحبها

يابلد الميت مليون شعب انا بحبها

وبقولهااااااااااااا




عيد ميلاد سعييييييييييييييييييد يعنى بالعربى هنوا ابو الفصاد



النهاردة فرحتى فرحتين اول فرحة النهاردة اول جمعة فى شهر رمضان الكريم



وتانيهم ان ده عيد ميلاد صاحبة المدونة السكرة لقد خلقنا الله احرارا



كل سنة وانتى طيبة وعقبال ..............................................



سنة حطى الرقم اللى انتى عايزاه









طبعا انا عارفة انك بتحبى الرجيم عشان كده جبت لك انا وانت التورتة دى



هه ايه رايك فيها؟؟؟؟ حلوة مش كده انا اللى عاملاها










وكمان مرة هاقول كل سنة وانتى احلى


كل سنة وانتى اغلى


وف كل يوم معزتك عندى بتغلى




معلش معرفتش اجيب شمع غير دول اصل مالاقيتش شمع يكفيك


يااااااااااااااااا (كنزى)





وانا طبعا بما انى بمووووووووووووت ف الشكولاتة فالتورتة دى مش ليكى


لوحدك ماشى النص بالنص


فى الاخر دعوة ليكى خاصة من قلبى


وين ما كنت يحفظك ربى



الأحد، 23 أغسطس، 2009



شايفين الشجاعة دى شايفين القلب الجامد ده

تفتكروا انا ممكن اعمل زيه كده هاها ده من عاشر

المستحيلات انتو بتكلموا ازاى مش عارفة يمكن اما هاكون

مجبرة ف السكاشن على كده ممكن اعملها وانا مضطرة

ممكن حد يفتكر دلوقتى ان انا بنت فافى كده و(خيخة واى كلام)

احم احم بلاش نجيب ف سيرة الناس بعدين نتضرب

بس بجد اى حد يقولى شرحى بنى ادمين طلعى مخهم ومصارينهم

اى حاجة انا جاهزة مش انا اللى بيغمى عليا ف السكاشن بتاعت البنى ادمين بس

انا مش بقدر امسك اى حيوان ان شاء الله حتى حاجة صغننة زى الكتاكيت مثلا

شكل كده مصيرى بان من اوله لو جبت مقبول يبقى متفوقةمش كده برده ولا انتو رايكم ايه؟؟؟

حد يا جماعة عنده حل ليا ؟ شكلى كده اتطبق عليا المثل اللى بيقول

اللى بيخاف من عفريت بيطلعله وانا طلعلى العفريت بتاعى

من صغرى وكان اخويا يحب يلمس القطط ويطبطب عليها

ويحط الاكل للفراخ وكانت ماماتى تخاصمنى عشان مبرداش اطع

احط لهم الاكل والله باين هى اللى دعت عليا هى وبابا ان انا ادخل الكلية دى

يلا بس هاروح منها فيييييين ورايا ورايا

اغيثونى يا جماعة وشوفولى حل .


اكيد كل واحد فينا حاله زى القمر اللى فوق ده على
الاقل بس ف رمضان حيث الافطار واللمة الحلوة والشوق
والفرح اللى بيلاقيه كل صايم زى ما قال حبيبنا عليه الصلاة والسلام
ان للصائم فرحتان فرحة بفطره واذا مات فرح بلقاء ربه يارب احنا
كمان نفرح بلقاء وجهه الكريم ويمتعنا بالنظر الى وجه العظيم قولوا آمين
ثوانى وراجعين تانى

دماغى فاضية


اهلا بكم غبت كتيييييييييير بس غصب عنى مش بايدى

النهاردة اول يوم ف رمضان كل سنة وانتم طيبين

مفيش حاجة دلوقتى ف دماغى ارغى فيها

والمحترم الدكتور صاصا اخويا قاعد معايا دلوقتى

كابس على نفسى اما ابقى لوحدى هارغى معاكم وازهقكم بس يارب ماازهقكمش اوى

دلوقتى بس ممكن اقولكم بجد استقبلوا رمضان جامد اوى واعملوا حسابكم ان هو يكون خطوة مهمة جدا للتغير للاحسن طبعا

النهاردة لسه اول يوم رمضان هب ف ثوانى هتلاقوا ليلة القدر جت وبسرعة جدا وتلاقى رمضان خلص بجد
اغتنموه صح وخليه فرصة لتحسين اخلاقكم وتريحوا ضمايركم
وتبسطوا انفسكم يلا سلام دلوقتى عشان الدكتور عايز يعقد ع الجهاز موبايلات بقى هه مبوء باى