الثلاثاء، 29 يونيو 2010

طهقان زهقان مضايق





سلام عليكم
مش عارفة ماليش نفس الصراحة اهزر ولا اقول افيهات
مش عارفة زهقانة كده وملانة وقرفانة وجعانة
بس مكسلة اقوم اعمل حاجة
كنت هاجيب اندومى بس الحمد لله بتجيب سرطان فى المخ
وكنت برده هاجيب شكالايتة لاقيت اى حاجة فيها كاكاو
بتقلل نسبة تركيز المخ برده والحمد لله
قولت هاكلم التكتور صاصا
اخويا وصاحبى وكفاءة لاقيته ياعينى عنده امتحان بكرة
ومش اى امتحان ده تشريح
يعنى مكركروم بلدنا يعنى شاشك يامصر
وبنجنى ياجدع
بالله عليكم ياجماعة تدعوله يحسن هو مقلق خالص 
وخايف من المادة دى ادعوله ربنا مايوقعكم فى ضيقة
يلا بقينا نشحت على حسك ياصاصا اى خودعة
فى الاجازة وبالاخص فى ايام الامتحانات 
كان اما يكون جايلى ملل ومش عارفة اذاكر كنت بدوًن برده
بس مش هنا على الموبايل كنت ياقعد افتح الملاحظاتnotes
بالعربى يعنى
واقعد اكتب اينعم كنت باكتب لى جملتين تلاتة بس كنت بارتاح شوية وافتكركم
وتقعد الافكار الجهنمية للبوستات تجيلى
واقول فى الاجازة هاكتب واكتب واحكى بقى 
واخلى كل الناس دى تصدع بقى
بس اصلا مش لاقية حد من اللى كانوا بيجولى هنا
اللى ساب التدوين واللى قفل المدونة من اصله واللى بقاله اكتر من شهرين معبرش المدونة بتاعته 
انا مستنياهم بقول يمكن عشان لسه فى اول ايام الاجازة ومحدش لسه اخد نفسه
لسه فى ناس مشغولة
يمكن الاقيهم فى رمضان 
كان زمان اول ماكنت اكتب اى بوست اقعد استنى التعليقات
وكنت بصراحة باستنى يبقوا كتير 
لكن دلوقتى مش عارفة عايزة اكتب وخلاص 
مش لازم حد يقرا ولا حد يعلق المهم انى باكتب وخلاص
اما المدونين الموجودين 
فلا شك اصلا انهم مبدعين وحاجة كده جامدة اخر حاجة اخر تلات حاجات كمان
من اول ماما فاتيما وحفيدة عرابى ووخيخة اللى مش اى كلام خالص
ود/ستيتة اللى يمكن اصلا متعرفنيش بس بوستاتها فى الجون
وطبعا جيجى والعالم وناس كتير جدا اللى انا قولتهم دول
على سبيل المثال وليس الحصر
وف مدونات كتييييييرة اوى دخلت على البلوجر  وانا لسه معرفتهاش
بس من الواضح انهم داخلين لهدف معين الجمال اللى فى بوستاتهم
مش من فراغ 
قبل الدراسة وانقطاعى بشكل كلى عن المدونة 
كنت شايفة ان اى حد بيعمل مدونة اهو بيخش يتسلى يشوف ناس 
جديدة وفى منهم اللى كان فاكر ان المدونات زى الشات كده يكلموا بنات وخلاص
او العكس 
بس دلوقتى الفرق شاسع شتان مابين دلوقتى وقبل كده
انا ابتديت احس انى جنب دول  صفر على الشمين
هيييييييييه
والله مانا عارفة انا بقيت اخرف ولا ايه
ولا يمكن عشان النتيجة اخر الاسبوع ده
التهييس اشتغل من دلوقتى
عادى جدا تهييس دلوقتى وعياط ونكد بعدين
ربنا يستر
الحاجة الوحيدة او الخبر الوحيد الحلو فى ام اليلة الغم اللى احنا فيها
دى وطشت الدراما اللى وقعنا فيه ده
ان دموع القمر اللى غير اسم مدونتها فى الاخر وخليته
همسات على ضوء القمر
محدش يمكن يفتكرها غير المدونين القدام بتوعنا
من اول عادل البلد دى فيها حكومة
وشاب فقرى
ورانيا ليس فقيرا من يحب
وايناس ملاك من كوكب اخر
ريمان ملائكية
ود/احمد لاشين اللى غايب عننا بقاله زمن
وغيرهم كتير
انا قولت عليهم قدام عشان دول اول ناس شوفتها فى البلوجر ده
وكان جروب هايل
المهم نرجع لمرجوعنا
ده كله عشان نعرف الست دموع ماشى ياتوتو
المهم بقى توتو دى الحمد لله انكتب كتابها
وهاتتجوز قريب ان شاء الله
عقبال عندكم
بس ده كل اللى عندى دلوقتى
لو جت حاجة فى بالى تانى اكيد هااجى وارغى معاكم
ربنا يجيب العواقب سليمة
وماتنسوش بقى تدعوا للتكتور صاصا امانة عليكم
يلا تصبحون على خيييييييييير

الجمعة، 25 يونيو 2010

لا تعليق


بجد لاتعليق
انا مش لاقية كلام اقوله بعد ماكل الناس قالوه
انا لسه كنت لسه كاتبة البوست اللى فات من ربع ساعة بالظبط
وعلى بال كنت بشوف عرض المشاركة لاقيتهم عاملين حداد
على روح شهيد الطوارئ
مش عارفة اخرتك ايه يامصر
شهدائك هيخلصوا امتى
شهيد رغيف العيش
ولا شهيد تعذيب الظباط
ولا شهيد اهل ضيعوا عيالهم باهمالهم
ضاعوا نتيجة مخدرات وزفت وطين وهباب
مش عارفة
تفتكروا نهاية مصر هتكون ازاى
او بالاحرى نهايتنا احنا هنكون ايه
نبعد ونخلينا فى حالنا
يقولوا احنا بلد ديموقراطى لازم تدلى برايك عزيزى المواطن لازم تساهم فى تنمية بلدك
طب ندلى بارائنا وهنقول ونعيد ونساعد فى كشف المجرمين
نموت شهدا
الله عليكى يابلدى ونعم البلاد
انا ماكنتش عايزة اتكلم ولا كان ليا نفس اتكلم اصلا
وكنت هاحط صورة المسكين ده ووخلاص
لانى بجد تعبت من كتر التفكير فى حالنا
انا هاروح اذاكر حقوقى الاول
اللى مفروض بدرسها عشان فى الاخر اموت شهيد فداها
عماااااااااااااااار يامصر
تصبحوا على كل خيييييييييير

انا جيييييييت


ياالله لو تعرفوا مشتاقلكم قد ايه
سلام الله عليكم يااحلى واجمل واجدع ناس شوفتهم فى حياتى كلها
يارب كلكم تكونوا بخير وصحتكم كويسة كده وبتاكلوا كويس
واهم حاجة تكون دماغكم كويسة على الاخر
والله وحشتوووووووونى
استعدوا بقى للصداع
لانى ناوية بجد انتقم ان شاء الله وبدون مقاطعة
نفسى افضفض معاكم واسمعكم ارائكم
عندى كلام كتيييييييير وحكاوى ياما
ومواقف كانت بتحصلى او بتحصل حواليا وكنت بقول ساعتها
لو كنت سالت اى حد من اللى عندى على المدونة كان زمانهم قالولى الصح
حاسة ان رجعت لبيتى الهادى الجميل كله ناس هادية وبتفكر صح حتى لو زعلوا مع بعض
محدش فيهم بيشيل من التانى بيعلموا بعض
واحلى حاجة فى البيت ده انه متعاون جدا وحبوب وكله ضحك وفرح
ومشاركة فى كل حاجة فى الفرح والحزن وكل حاجة
ااااااااه كده الموضوع قلب دراما خالص
يـــــــــــــــــــــــــــــــــارب دايما يجمعنا على خير
ويرزقكم ويهديكم ويهنيكم ويكرمكم ويسعدكم دنيا ودين
ده كده كان بمثابة مقدمة بسيطة خالص عن اشتياقى ليكم
يارب نتلاقى على الاخر
انا لسه مخلصتش امتحانات
فاضلى واحد
حروق انسان
قصدى حموم انسان
حد يقولى طب علاقتك انتى يابيطرية بالانسان
هاقولك معرفش
انا عن نفسى اشتكيت ودافعت عن حبايبى
وقولت طب ما كده الحمار هيغير ويرفع شكوى لو زير التعليم العالى
ازاى مايطلعوش مادة تنص على حكوكى انا كحمار وحمار محترم كمان
انا حمار مصرى وعندى حقوووووووووق مصرية
ودمتم يا اجمل مدونين
ادعولى بقى وان شاء الله
نتقابل على خييييييييير:)))))