الجمعة، 25 يونيو، 2010

لا تعليق


بجد لاتعليق
انا مش لاقية كلام اقوله بعد ماكل الناس قالوه
انا لسه كنت لسه كاتبة البوست اللى فات من ربع ساعة بالظبط
وعلى بال كنت بشوف عرض المشاركة لاقيتهم عاملين حداد
على روح شهيد الطوارئ
مش عارفة اخرتك ايه يامصر
شهدائك هيخلصوا امتى
شهيد رغيف العيش
ولا شهيد تعذيب الظباط
ولا شهيد اهل ضيعوا عيالهم باهمالهم
ضاعوا نتيجة مخدرات وزفت وطين وهباب
مش عارفة
تفتكروا نهاية مصر هتكون ازاى
او بالاحرى نهايتنا احنا هنكون ايه
نبعد ونخلينا فى حالنا
يقولوا احنا بلد ديموقراطى لازم تدلى برايك عزيزى المواطن لازم تساهم فى تنمية بلدك
طب ندلى بارائنا وهنقول ونعيد ونساعد فى كشف المجرمين
نموت شهدا
الله عليكى يابلدى ونعم البلاد
انا ماكنتش عايزة اتكلم ولا كان ليا نفس اتكلم اصلا
وكنت هاحط صورة المسكين ده ووخلاص
لانى بجد تعبت من كتر التفكير فى حالنا
انا هاروح اذاكر حقوقى الاول
اللى مفروض بدرسها عشان فى الاخر اموت شهيد فداها
عماااااااااااااااار يامصر
تصبحوا على كل خيييييييييير

هناك 6 تعليقات:

Qatarat_Nada يقول...

سلام عليكم
اول حاجة وحشانى جداااا والله ووحشتني مدونتك يا قمر
تانى حاجة انا مبسوطة ان في ناس متفاعلة بعيدا عن كل اللى بتقوليه دة بس لسة في امل ماتنسيش دة
النهاردة في بورسعيد عندنا عملوا وقفة سلمية علشان خالد وصورهم بجد تفرح القلب اينعم انا ماروحتش لان ماما وبابا خايفين بس يلا حقول ايه ، لو فضلنا نعمل كدة والله حنغير حاجات كتير بايدينا فمتيأسيش من رحمة ربنا وربنا دايما حيكون ضد الظلم وحق خالد حيرجع باذن الله هو وغيره من الملايين

أم الخــلـود يقول...

عايزين الولايات المتحدة الإسلامية تقوم لازم نودود لبعضنا عشان تقوم ..

ودود يا ودود .. وَدوِد .. ودوادا .. وَد (بفتح الواو).. وِد .. (بكسر الواو)

لازم تتودوادو بها (اشتغلوا وسبحوا بها .. صبح وليل .. ليل وصبح .. داخله خارجه .. خارجه داخله) وانشروها.

قلم رصاص يقول...

الله يرحمه ويرحمنا معاه

ربنا قادر على كل شيئ واكيد ان شاء الله حقه ان ضاع دنيا مش هيضيع يوم الحساب

تقبلي مروري وتحيتي

غير معرف يقول...

نودى
وعليكم السلام ورحمة الله وبركاته
اخبار القمر ايه والله ربنا اللى يعلم انتى وحشانى قد ايه
انتى اصلا حتة سكرة
عارفة يانودى طول ماانتى بتكلمى كده والله بحس ان الاجيال اللى جاية هتكون بخير باذن الله مش زى ماااحنا فاكرين
ربنا يحفظك ياجميل ويخليلك باباوماما ويخليكى ليهم نورتى المدونة ياجميل
ده انا بس البلوجر معلق كعادته

غير معرف يقول...

ام الخلود
مافهمتش قصدك ايه
يمكن عشان عايزة انام فمش مجمعة
هاحاول اقراه تانى
على العموم نورتى المدونة فى اول زيارة واتمنى ماتكونش الاخيرة

غير معرف يقول...

قلم رصاص
المدونة بجد نورت يافندم
وربنا يسمع منك ويرحمه ويرحمنا كلنا

فى امان الله