الأربعاء، 30 سبتمبر 2009

الاولى .فى الغرام


اهلا بيكم اهلا بيكم يا اللى احنا جينا عنديكم
والسلام عليكم
اصل احلى الكلام يبدأ تمللى بكلمة سلام
واحلى كلمة سلام:السلام عليكم ورحمة الله وبركاته
وتانى كلمة حلوة نقولها :
اللهم صلى وسلم وبارك على خير الخلق اجمعين وعلى أله وصحبه
وسلم تسليما كثيرا الى يوم الدين
احم ...احم وسع يابنى انت وهو المعلم جاى
بس احب ابشركم بشرى سارة( مش شيرين ولا منى ولا حاجة)
البوست طويل والرغى بتاعى كتيييير بس قبل ما ابدأ وزى ما انا وعدته لازم كل اللى
بيحب المدونة دى او حتى بيجى يزورها من غير ما يحبها يدخل يزور مدونة
شاب فقرى صدقونى هتلاقوا المدونة لذيذة وكلامه الذ الذ
اصل انا وعدته اعمله دعاية مجانية اوعى حد يكسفنى بقى
ده اول مرة اطلب منكم طلب
اللينك اهو
http://shab-f2ry.blogspot.com/

ياه صبرتوا ونلتوا
ندخل ف الموضوع بقى
انا هاتكلم النهاردة عن صاحبى اه صاحبى وحبيبى وكفاءة
هاتكلم عن حبيب قلبى بجد
اصل انا حبيتشه وحطيته جوه قلبى وانا قلبى مش متين
من حبه جالى سكر وبتحايل عليه يدينى انسولين
بجد حاسة انه راجلى وانى بضيع اما بيبعد عنى عارفين اما بابا
وماما سافروا كنت حاسة بالامان المؤقت بس عشان هو معايا
احلى حاجة ف الدنيا اما تلاقى حد قريب من سنك يفهمك وتفهمه يحس بيك
بجد حبه مش زى اى حب حب من نوع (خاص جدا)من نوع فريد
هو مصطفى من بين الناس وهو ده اللى اصطفاه قلبى من بين كل الشباب
عشان املكه ليه
مش عارفة اما يجى عدلًى يعنى واتجوز (بعد عمر طويل)
هل منكن يعنى منكن؟ان احب زوجى الحب ده كله لااعتقد!Idk
مش بقولكم حب لن يتكرر من نوع خااااااااااص
بيغير عليا موووووووووووووت بيغير عليا من اعز اعز اصحابه اللى هما اخواته وجيران لينا
يعنى يعتبر من قرايبنا بس بحب غيرته عليا بفرح اوى اما بيبرق لى يعنيه العسلية ساعة ماا اطلع البلكونة
وشعراية باينة من تحت الخمار دون قصد طبعا
اقولكم بقى اثر فيا ازاى:اولا:-علمنى ان انا بساذجتى دى مش هانفع ف الدنيا
علمنى الجرأة وازاى افرق بينها وبين البجاحة علمنى ازاى اخد حقى بادب واحترام
ثانيا:وفر عليا انى ادور على صديق يحفظ سرى واثق فيه تصدقوا بايه
ساعة ما بنقعد مع بعض ف البلكون باليل مش بحس انى بتكلم مع واحدة صاحبتى
اقصد فى اللكلام يعنى الحاجز اللى بين اى بنت وولد بنكلم بحرية وبقعد احكى ع الكلام اللى
حصل بين وبين اصحابى ومدرسينى وحتى لو بابا وماما زعلوا منى
هو اللى تلاقيه بيتوسط ليا عندهم
والله وانا فى الثانوية هو اللى كان بيشجعنى على المذاكرة يقعد يقولى
صاحبى فلان مستنيك فى كلية صيدلة وهيظبطك فى المحاضرات
والجداول وكده يعنى وكان تشجيعه بيجى بفايدة جامدة
بس يلا اهو نصيب

علمنى كمان ازاى اسامح اى حد غلط ف حقى وكان بيقولى افرضى توفيت

وانتى مش مسمحاه هيجى يوم القيامة وياخد منك حسنات طب وليه

اما ف ايدك تسامحيه وتغفرى ليه اى حاجة وحشة عملها معاكى وتبقى انتى اللى كسبانة

بجد يا جماعة باحمد ربنا واشكره ف كل صلاة على نعمة الاخ دى وبدعيله انه ربنا يخليه ليا

ومايحرمنيش ابدا منه

انا دلوقتى عايشة اجمل قصة حب ما بين احلى اتنين اخوات

عارفين مسلسل الكارتون بتاع سالى ولا بتاع سارة وليدى

اهو انا زيهم كده هو كمان بيحيهم وبيموت ف كابتن ماجد

مش عارفة اقوله ايه اشكره على اللى عمله معايا زمان ولا اللى لسه هيعمله معايا

بعدين طب اقولكم على سر

قالى ان هو مش هيفكر ف اى واحدة خالص لحد ما انا اتجوز وبعدين هو يبقى يفكر

الى اللقاء ف الحلقة القادمة من المسلسل الشرقاوى بتاعى

سلام عليكم

هناك 109 تعليقات:

شاب فقرى يقول...

انا اول تعليق

هروح اقرا واجى


الحمد لله

شاب فقرى يقول...

وكمان دعايه مجانية

اشطة جدا

بوم بوم بوم

المعلم شاب فقرى وصل

شاب فقرى يقول...

انتى عملتى عندى تلات مرات اول تعليق

دلوقتى بقى جه وقت رد الجميل :$


هقرا وهعلق تانى

محدش يرد قبل ما اخلص التلاتين رد بتوعى

انا قلت اهوه :$

بيطرية ومش بايدى يقول...

فى الحفظ ولا الصون
تعليقات مصونة
يا باشا

مشتنية تعليقك يابنى

امضاء كركوب افندى

شاب فقرى يقول...

نفسى اعرف ليه على طول بتحطى صور اليابانيين دى

بس نو بروبلم

والله انا واختى زيك كدا بالظبط انتى واخوكى

بس فى فرق

انى انا الصغير

وهى اللى حببتنى فى التدوين

وهى مدونة كبيرة ومشهورة بس مش هقول هى مين

لاننا اتفقنا كل واحد فى حاله :D
عشان نفضل اخوات وحبايب

وانا وهى اكتر من كدا بكتير

كتبت عنى كتير فى مدونتها

بجد بحبها

وبقول يارب يخليهالى

لان من غيرها مش هعرف اعيش

وكمان بقولك

ربنا يخلى لك اخوكى ويخليكم لبعض

شاب فقرى هيكمل التلاتين تعليق النهارده

شاب فقرى يقول...

ساكن فى حى السيدة وحبيبى ساكن الحسين

الله

الاغنيه دى جميلة اوووووووووووى


وكمان تعليق غلاسة

بوم بوم بوم

شاب فقرى يقول...

فينك يا دكتورة :$؟؟؟؟


بالانتظار


:)


لانى خارج فى خلال دقايق مع اختى برده :P

ليس فقيرا من يحب يقول...

التعليق التانى

مش بطااااااااااااال

♥نبع الغرام♥♪≈ يقول...

مممممممممممممم

ممممممممممممممممممم

تانى تعليق

♥نبع الغرام♥♪≈ يقول...

عااااااااااا
ماشى يا رانيا

ليس فقيرا من يحب يقول...

ازيك يا قمرايه

يارب تكونى بخير

♥نبع الغرام♥♪≈ يقول...

قشطه
اول مرة اجى هنا
فى الاول كده يا جدعااااااااااااااان
ايه الهنا ده

♥نبع الغرام♥♪≈ يقول...

وحشتينى يا بت قوووووووووووووووى اخبارك ايه
منورة ام البلوجر يعنى

خير ايه حكيتك فاضيه يا بنت انتى ولا ايه
هههههههههههههههههههه

ليس فقيرا من يحب يقول...

لا يا انوسه مش هنقطع على بعض انا التانى

♥نبع الغرام♥♪≈ يقول...

ربنا يكتر من بوستاتك يا غاليه على قلبى

وحشتينى يا بت قوووى
ربنا ما يحرمنيش منك يارب

♥نبع الغرام♥♪≈ يقول...

ماشى يا رانيا هتنازل ليكى عنه الله يحرقك

ليس فقيرا من يحب يقول...

هههههههههههههههههههههه

يوم سعدى ده ولا ايه يابت يا انوس

ليس فقيرا من يحب يقول...

اهىء اهىء اهىء

بتدعى عليا عاااااااااااااااااا

وكمان بتضربينى بالبوكس وتزوقينى

ماشى يا نوسه ماشى

وش زعلااااااااااااااان

♥نبع الغرام♥♪≈ يقول...

اخد كمان تعليق عشان خاطر الحبايب

تعرفيهم ها السفاح والسفاحه الهى يحرقهم بكيروسين ويكون وسخ عشان يزيد فى الاشتعال ههههههههههههههههه

وكمان يا اختشى الجاز غالى خسارة فيهم

هع هع هع

هق هق هق

ليس فقيرا من يحب يقول...

اقرى وارجع تانى

♥نبع الغرام♥♪≈ يقول...

الله يولع فيكى يا رانيا انتى يا بت هتجيبى ليه مصيبه كنت ضربتك امته
يالهوووووووووووووووووووووى
خليكم شاهدين يا اهل بلوجر

عااااااااااااااااااااااااااااااا

♥نبع الغرام♥♪≈ يقول...

ممممممممممم
ماشى وانا كمان اروح
اقرء وارجع
فاصل ثم نواصل

هههههههههههههههههههههههه

آه وكفى يقول...

انا جييييييييييت

نورت البيت؟

آه وكفى يقول...

طب ايه بئى العريس هيبتدي يغير يعني مممممم
لو اني مبحبش اللي اسمهم مصطفى و مفيش بيني وبين الاسم ده اي عمار بس يارب يخليلكو البلكونات

سلام ياجميل

♥نبع الغرام♥♪≈ يقول...

ايه الكلام ده

عاااااااااااااا
وجعتى قلبى انا كده بجد هغير عااااااااا

وكنت بفكر ارتبط بيكى بس خالص بقا
روحى الله يحرقك

ههههههههههههههههههههه

ليس فقيرا من يحب يقول...

ربنا يخليكم لبعض يارب

بس كده هتضيعى مستقبل الواد

لو استناكى لما تتجوزى عام 250 ده يبقى عمرة راح يابنتى

ههههههههههههههههههههههههههه

وش بيطلع لسانه

♥نبع الغرام♥♪≈ يقول...

انا روحت زورت الفقرى ده

لقيت عنده تعليقات كتير الله يحرقك
وكمان بتتفقوا على اول تعليق ماشى ماشى بانى على حقيقتك

طلعوها بره من قدامى
ياخى هع

غير معرف يقول...

ربنا يخلهولك يا اجمل بنوووووووته

ومايحرمكيش منه ابدا ابدا

خالص مالص

اللهم اميييييييييين

حنين

adel يقول...

:)
مش قلنا اول موضوع
هههههههههههه

ربنا يخليكوا لبعض يارب
ويديم الحب ده بينكم

:):)

كلامك حلو علي فكرة

Unknown يقول...

معلش كلامى حيبقى
زى كلام مامــــــــــا
وطنط وعمتو وخالتو
بس برضه بقولك خلى
بالك من نفسك ومن
مذاكرتك ومن مستقبلك
والحب دا شىء جميل وحلو
وكل حاجة بس برضه المثل
اللى بيقولك(حرص ولا تخونّش)
يعنى ما ينفعش احط كل املى
فى شىء فى علم الله وبعدين
اقعد اعيط واعيط واعيط
لحد المحافظ ما يتشال واللى
بعده ما يسألش فيا برضه:)

Unknown يقول...

حاروح اقرا
الشاب الفقرى
دا كتب ايه ولو
انى ورايااااااا
حاجات كتير لكن علشان
خاطرك يابيطرية القرن
الواحد والعشريين نأجلها
ترفع الجلسة....ترى ترا ترام

Yusuf يقول...

كلام جميل

ربنا يخليكوا لبعض

ومفيش أحسن من ان الواحد يلاقي حد يثق فيه في الزمن ده

تقبلي تحياتي

د/ أحمد لاشين يقول...

اولا طلب ورجاء
بعد اذن حضرتك تتصلي بدموع القمر
اتصال مخصوص
وبأقول اهه
اتصال مخصوص
وبأكد كلامي تالت مرة
اتصال مخصوص
وقوليلها
الف مليون سلامة
وهاتيلها وردة اصل لو قلت بوكيه ورد ممكن تقولي عايزة فلوسه يعني من كرم الشراقوة :)
ربنا يكرمك
ارجوكي بلغيها سلاماتنا وطمنينا عليها
بس ضروري بعد اذنك يا دكتورة

ثانيا
موضوع جميل
بس انتي بتحبي بسرعة
واحسن شئ في الدنيا اننا نحب كل الناس
ونحب الدنيا
ونحب حتي الجمادات
كان رسول الله صلي الله عليه وسلم يحب السية خديجة جدا
حتي يوم فتح مكة ترك الجيش كله ووقف يتحدث مع صديقة السيدة خديجة عندما طلبته
وكان يحب السيدة عائشة جدا والقصص في هذا كثيرة
ومن فرط حبه صلي الله عليه وسلم وشعوره واحاسيسه المرهفة كان يحب الجبال فقال احد جبل يحبنا ونحبه
وكان يحب البلدان فقال عند خروجه من مكة والله لأنت احب بلاد الله الي قلبي ولولا ان اهلك اخرجوني منك ما خرجت
والقصص كثيرة جدا عن حب رسول الله للحياة وكل ما فيها ولنا عودة مع موضوعك

حفيدة عرابى يقول...

اولا
انه صاصا
تاتن ناجد انا عداف انا عداف

هو بس اللى هيفهم الهيروغليفى ده


ثانيا
انا حاسة انى فى ناس ماعرفتش انك بتتكلمى على اخوكى صاصا باشا
فياريت توضحى
علشان ماتروحيش فى الوبا زى هنادى



ثالثا
انا معاك وفاهمة اسباب قصة الحب الجميلة دى
بس مش قادرة اصدق ياناس انه عاقل
صاصا عاقل
وبينصح غيره
ياايها الناصح غيره00000

وبيقولك سامحى
طيب أصدق اللى باشوفه منه ولا كلامك
ولا اقول مش مشكلة مراية الحب عمياء


الهى وانت جاهى اشوفك رزين يا صاصا

لؤلؤة الاسلام يقول...

السلام عليكم و رحمة الله و بركاته

ما شاء الله اسلوبك راااائع بجد انا عجبتنى اوى طريقة كتابتك
ما شاء الله ربنا يخليكو لبعض

و تحياتى
و تقبلى مرورى

دكـــــتور جدا يقول...

السلام عليكم

أحييكي على الدخلة الجامدة دي
ثانيا ربنا يخليلك أخوكي ويبارك فيه
ويخليكوا لبعض

تقبلي تحياتي

........................
لماذا نحرر فلسطين ؟!! هي هتفرق معانا
http://dactoor.blogspot.com/2009/09/blog-post_8954.html

عاشق الجنة من الإخوان صلى على النبى يقول...

ربنا يباركلم في بعض
ويجعمكم في الجنة إن شاء الله
صلي علي النبي

بيطرية ومش بايدى يقول...

شاب مش فقرى

لا والله انا مش اقصد اليابانين خلاص بس انا لقيت الصورة دى هى اكتر واحدة معبرة عن اللى جوايا
وشوفت شكلك انت الوحيد اللى فهمتنى صح

باقى التعليقات كلها حست ان انا بتكلم عن المستنيل على عينه(مشطوب الاسم)
ربنا يخليها لك
ومايحرمكوش ابدا ابدا من بعض
ومسيرى هاعرفها يا جميل
ونبقى اصحاب اوى
طبعا ماهى برده من ريحيت الحبايب

بيطرية ومش بايدى يقول...

فعلا ياشاب الاغنية جامدة اخر حاجة

انا برده كنت خارجة وسبحان الله
شوف الصدف
مع اختى برده
تكونش اختنا احنا الاتنين واحنا منعرفش
اتأكد منها يا فقرى
:)

طوبه فضه وطوبه دهب يقول...

rbna ykhlholek de n3ma ashkory rbna 3leha wagmal n3ma kman rbna ykhleko lb3d

بيطرية ومش بايدى يقول...

رانياااا
يالهووووووووى ياولاد لا انا اتحسد
رانيا عندى وكمان تانى تعليق
لالالا
بخرووووووووونى
بخروووووووووونى

بيطرية ومش بايدى يقول...

نووووووسة
ههههههه معلش يا حبيبتى
تعيشى وتاخدى غيرهاهههههههههه
بس برده انت غااااااااالى

بيطرية ومش بايدى يقول...

رانيا
انا بخير طول ما انتم معايا
وبتنوررونى بزيارتكم ليا
والله انا من غيركم ولا حاجة

بيطرية ومش بايدى يقول...

نوسة
ياااارب ماتكونش الاخيرة يا انوس
الهنا ليا انا ياروحى
اصل انتو مش فاهمين
البت دى روحى روحى روحى

بيطرية ومش بايدى يقول...

لا يانوسة
مش فاضية ولا حاجة
ده انا احتمال بجد اكتب كل سنتين مرة
اصل انتى مش فاهمة
خلاص فاضل 2 يوم ع الدراسة يا اختشى

يعنى يبقى موت وخراب ديار
لا اشوف نفسى شوية والحق اسيب بوستات هنا
احتمال تبقى ذكرى:(

بيطرية ومش بايدى يقول...

اه خناقة عنيفى بين الصابونة والليفة

والحكم هو الدش

ونوسة ضربت رانيا
ورانيا بتعيط ونوسة بتوقف محامى
ووقف المحامى وقال وشاط وجوه الجوووووووووووووووووووون

يا خساااااااااارة

القضية اوجلت الى يوم 25/25/5202

بيطرية ومش بايدى يقول...

رانيا
اه بتبيعنى ف اول مثاثة يا رانيا
دل بدل ما تقنعيه انه يكمل 3 قرون وبعد كده يفكر يتجوز
على كده هياخد واحدة من تحت
هههههههههههههه

بيطرية ومش بايدى يقول...

اه وكفى
طبعا نورررت البييييييييييت
واهل البيت فرحانين بوجودك معاهم
بس انا كده
ازعل منك انا الحمد لله عمرى عمرى ماقبلت حد اسمه مصطفى وطلع وحش
من اول اخويا ومصطفى حسنى ومدرس الدين بتاع اعدادى وغيرهم كتيير
ده اسمهم على اسم الحبيب صلى الله عليه وسلم

بيطرية ومش بايدى يقول...

لا يا نوسة ارجوكى اوعى تفهمنى صح
ده الراجل يا عينى عنده شغل
متلتل فقولت نعمله دعاية وببلاش
بس اتفقنا انى ليا نصيب ف اللى هيكسبه من الشغل بتاعه اه
وامال لا وامال طبعا هههههههههههههههه

بيطرية ومش بايدى يقول...

حنين
يارب اللهم آآآآآآمين
بس للتوضيح برده عشان انا شكلى اللى خبطت
ده اخويا يا حنون هه ماشى مش حد تانى والله لسه المستنيل على عينه ماجاش

بيطرية ومش بايدى يقول...

عااااادل
مش كده انا قولت برده لازم اول موضوع
يبقى فرايحى كده
وابسطكم
بجد كلامى حلو ربنا يكرمك
ده انا كنت خايفة منك انت بالذات بس الحمد لله عشمى طلع ف محله يا سباعى
هههههههههه

بيطرية ومش بايدى يقول...

norhanty
يا جميلة يا جميلة
برده فهمتينى غلط
ده اخويا يا جميل
والله العظيم تلاتة اخويا ياعالم اطلع لكم البطاقة

بس بحبه شويتين زيادة

وربنا يخليكى ليا ياقمراية
دايما ع طول كده رافعة راسى
مايحرمنيش منك يا غالية
وربنا معااااااك يا جميل

بيطرية ومش بايدى يقول...

يوسف بيك
اللهم آآآآآآآآآمين
بس برده هاقولك ان ده اخويا
شكلكم كده فعلا كلكم فهمتونى غلط

يا جماعة لسه ماجاش لسه ماجااااااااش
اما يجى هتلاقونى اعتزلت التدوين
لا تقلقوا

بيطرية ومش بايدى يقول...

د/احمد لاشين
طلبك علم وينفذ يا فندم
ومن كرم الشراقوة برده الوردة الواحدة بتتباع ب3 جنيه
ادفع ياعم انا ماليش دعوة انا بوسطجى وبس
لالا هابلغا سلامك اكيد هيوصلها سمعا وطاعة يا فندم

برده برده فهمتنى غلط
اخويا يا دكتور احمد وكمان هو ف كلية طب
يعنى خليفة حضرتك
اتمنى ان يكون لك عودة تانى وتالت ورابع
مش واحدة بس

بيطرية ومش بايدى يقول...

تيمو
كنت مستنية تعليقك بفارغ الصبر واشوف انتى هتقولى ايه
وعشمى كان ف محله يا سباعى
كنت متاكده انك هتقولى كده
الموشكل انه ساعات بيكابر
واينعم انا اعترف ان اصحابه غيره كتير
بس انا بحاول اديم اللى كان بينا وهو اما بيلاقنى كده بيعمل زيى
بصى الكلام ده لازم له قعدة وكوباية شاى وباتية من عند العبد بعد طبعا كشرى زيزو
والبيتزا وكده ومورا بقى يختم بجلاكسى
كده القاعدة تحلو وناخد وندى ف الكلام

وطمنينى عملتى ايه ف امتحاناتك
الاولى يا معلم ولا
يارب دايما من الفائزين دنيا واخرة

بيطرية ومش بايدى يقول...

لؤلؤة الاسلام

وعليكم احلى السلام والرحمة والبركات
يااااااااارب
اللهم آآآمين واياكى يارب
بجد نورتينى يا جميل
واتمنى الزيارة تتكرر مليوووون مرة

بيطرية ومش بايدى يقول...

ضكتور جدا
شوفت الدخلة دى بس كلهم عملوا زى ماانا توقعت وفكروا ان ده اللى بالى بالك هههههههههه
بس انت الوحيد اللى فهمتنى على طول
ربنا يزيدك بصيرة
وعلى فكرة انا قريت البوست بتاعك
بس معرفتش اعلق وقتها كان فى حاجة ف البلوجر بس اكيد
ليا عودة ودلوقتى كمان

بيطرية ومش بايدى يقول...

عاشق الجنة
يا عاشق الجنة ربنا يرزقك بيها
ويكون اخويا معاك فيها

اللهم صلى وسلم وبارك على خير الخلق اجمعين اللهم آآآآآآآآآآآآآآمين

بيطرية ومش بايدى يقول...

طوبة دهب
اللهم آآآمين يا جميل
على فكرة كنا فسيرتك امبارح مع حلم
بس بالخير والله كان بيشكر فيك وانا كنت بقوله حاجة سررررر
اقولك وماتقوليش لحد



بحبك مووووووووووووووووووووووووووووووووووووووووووووووت

بيطرية ومش بايدى يقول...

عارفين يا جماعة التعليقات دى كانت ناقصة مين؟؟؟؟؟؟؟؟؟؟؟

والله ماله طعم من غيرها ابدا

دمووووووووووع القمر

بجد انا ماكنتش اعرف انى بحبها اوى كده

ايه ده دى سابت عندى فراغ كبييييير
اوى ربنا يرجعها لينا بالسلامة

ويشفيها ويشيفنا ويشفى مرضى المسلمين

ريمان يقول...

ربنا يخليهولك يا قمر

بجد شىء جميل اما يبقى فيه صداقه وحب واخوه بين اتنين ويكمونوا بيخافوا على بعض وفيه بينهم موده واحترام واخلاص



تحياتى

Unknown يقول...

هو يبقى اخوكى
طب مش تقولى كدا؟!
ياكســـوفى ياكســـوفى
ياكســـــــــــــوفى
ربنا يخليها أبلة
(لقد خلقنا الله احرارا)
هى اللى عرفتنا شكراً لها
وكمان يارب يارب يارب
يخليكم لبعض وماتتحرموا من بعض.

بيطرية ومش بايدى يقول...

شوفتى يا نورهانتى
طلع اخويا والله ماانا حاسة انى خبطت
بس رجعت وقولت ف الاخر انه اخويا
بس يلا ولا يهمك
بس احب اطمنك واقولك اعملى حسابك
ان ع القرن66 كده ان شاء الله
فرحى هيكون جامد وانتى اول المدعوين مش المعزيين
هههههههههه

بيطرية ومش بايدى يقول...

ريمان
اللهم آآآآآآآآآآآمين
بجد بقول ربنا يديمها عليا نعمة
ويبعد عنه كل سوء وخاصة الاصحاب
لانهم اللى بيبوظوا كل الحاجات الجلوة دى

ربنا يستر

ايوشة يقول...

ربنا يخليكم لبعض يارب ويديم الحب بينكم بس اطمنى هتحبى ان شاء الله العريس لان حب الاخ غير حب الزوج

بيطرية ومش بايدى يقول...

آيوشة
ياااااااارب يا اختى
تفتكرى كده؟؟
انتى ادرى بكرة نشوف

وللعلم انتى معزومة ف نفس الفرح اللى معزومة فيه نورهانتى ف القرن 66 ان شاء الله هتكونى برده من المدوعوين

بيطرية ومش بايدى يقول...

ياجماعة بالله عليكم
تعملوا اللى طلبته منكم
ده اول طلب
محدش يكسفنى بقى ماشى
هاستنى هناك تعليقاتكم كلها
لازم ان شاء الله الاقى التعليقات عنده
160 ماشى

الازهرى يقول...

اممممممممممممم
طيب انا نفسى افهم اشمعنى اخواتى
انا قايد لهم صوابعى العشرين شمع وبوتاجاز كمان
بس دايما بالمحهم بيحضرو ااكياس بلاستيك وبيجمعوها ومش فاهم ليه ؟

ربنا يخليكم لبعض دايما وما يحرمكمش من الحب بينكم طول العمر

وفى انتظار اكبر حفلة عيد ميلاد فى البلوجر واسف على التأخير بس صدقينى انا باكتب وانا نايممممممممم

ابو على يقول...

مبروك مبروك

بيطرية ومش بايدى يقول...

الازهرى
يا اهلا بالغالى
يمكن البوتجاز انبوبته فاضية وانت مش واخد بالك
اقولك لو هما بنات يبقى نقطة الضعف فى كلمة حلوة يعنى غنيلهم ياعم اغانى رومانسية عشان تتعود ههههههههه
ربنا يخليك ليهم يارب
ويخليهم ليك ويديم المعروف والحب يااارب

ياسيدى متاخر متاخر بس انا بستناك
ربنا معاك
روح نام بقى تصبح على خير

بيطرية ومش بايدى يقول...

ابو على
مبروك على ايه مش فاهمة؟؟؟؟
انت صاحى ياابو على ولا عايز تنام زى امبارح
تشرب شاى؟؟؟

زهور الامل يقول...

ربنا يخليكوا لبعض ويديم عليكم الصداقة والاخوة اللهم امين
ده احلى حاجة في الدنيا لما يكون عندك اخ او صديق تثقي فيه ويشيل معاكي همومك وتفضفضي ليه عن كل اللي جواكي

يا ريتني كنت زيك
بس اهو نصيب

تحياتي

well يقول...

البلكونات هى اول طريق الحب ...حتى لو كان حب اخوات
..تحياتى

بيطرية ومش بايدى يقول...

زهور الامل
لا اطمنى هو اخويا
ياستى خيرها ف غيرها
يارب يكتي لك الخير ف كل خطوة يارب
اللهم آآآآمين

بيطرية ومش بايدى يقول...

well
اجدع تعليق والله العظيم
نقعد نغنى بقى ومن الشباك لارميلك حالى

تحياتى لك دوما

آه وكفى يقول...

عليه افضل الصلاة والسلام ومين يقدر يقول حاجة
وربنا يخليلك كل المصطفييين اللي عنك




الائيش عندك أحمد زيادة؟
:))

صباحك سكر

غروب يقول...

ههههههه

رغااااااااااايه

بس دمك شربات

انا طول عمرى كنت بتمنى يكون لي اخ ولد

يا بختك

انا مش بحسد انا بقر بس

ربنا يسعدك ويهنيك ويخليكوا لبعض

قولى امين يا بنتى

رفيدة يقول...

ربنا يديم عليكم الاخوة ياجميل ويفرح بيكي ان شاء الله :)
يلا بقي استعدي لدخول عالم الكتاكيت :)
..بس علي فكرو فيتراوي زعلان منك عشان مش بقيتي تزوريه :D

ابو على يقول...

هو مصطفى من بين الناس وهو ده اللى اصطفاه قلبى من بين كل الشباب
عشان املكه ليه

مبروك عليكى وعلى مصطفى

هههههههههههههه

حاجه غريبه .. الدنيا لها طعم جديد

أبو العريف يقول...

تحيا مصر يا عم

قصدي ربنا يخليكوا لبعض

ولا يحرمكوش ابدا ابدا من بعض

وربنا يخليهولك

يا شيخه انت حببتينا فيه من غير ما نعرفه

خلاص انا سخسيا سلميلي عليه جدااا

تحياتي

بيطرية ومش بايدى يقول...

اه وكفى
آآمين
بس ايه الاتيش احمد زيادة دى؟انا مش فاهمة حاجة
معلش اصل عارفة اختك ذكائها خارق

بيطرية ومش بايدى يقول...

غروب
ده انا زعلت اصل لقيت البوست قصير
وقعدت اسأل مصطفى اكتب ايه تانى اصل البوست قصير وفضلت زعلانة امبارح
ههههههههههههههههه
ربنا يكرمك يا جميل
يارب دايما كتاباتى تعجبكم
وربنا ان شاء الله هيعوض لك الاخ ده ف حاجة احلى

بيطرية ومش بايدى يقول...

رفيدة
حبيبة هارتى
ياااااااارب يااختشى
وانا عن نفسى باستعد اهو هما بقى مستعدين؟؟ههههه
لا وانا مقدرش على زعل فيتراوى
انا جاياله اهو حالا
بس اجيب ايه وانا جاية
جاموسة بلدى عيانة تنفع

بيطرية ومش بايدى يقول...

يا ابوعلى
على فكرة انت غامض وامت وصامت
معاك شاحن نوكيا
على فكرة تعليقاتك كلها مش مفهومة خاااالص قولتلك تشرب شاى وتظبط الطاسة وبعدين تخش اوكى
الدنيا لها طعم جديد
طب انا بحب بالشطة والليمون فى عندك

بيطرية ومش بايدى يقول...

ابو العريف
تحيا مصر ياعم
آآآآآمين
ربنا يكرمك يارب
واكيد سلامك هيوصل
وقريب اوى هتلاقيه هو اللى بيرد عليكم

شاب فقرى يقول...

تعليق صامت

بمناسبة المشاكل والاخبار الوحشة بتاعت النهارده

شاب فقرى

بيطرية ومش بايدى يقول...

شاب فقرى
على رايك

(حلـم) يقول...

الله

الدكتورة


امل


قصدي


طوبة الماس وفضة ودهب


انتي هنا


بتقولي اسرار كمان


افشتك


ازيكم انشالله بخير



كيفك يادكتورة المستقبل


شاب فقري عامل احتلال غاشم


الله ستر لقينا مطرح


نحكي منه


بوست جميل


والاجمل قصيدة الاخاء الرائعة

هذا النشيد يطمح الية البشر ويسعى الية

ولكن قلما ان يملكة



انتي تستحقين الكثير لانك مصدر الحركة


ومسرح ذكاء


مودتي

بيطرية ومش بايدى يقول...

حلم
فعلا الماس اغلى من الفضة وده الاسم الصح ليها
انا بخير طول ما حضرتك بتنورنى
شاب فقرى بيردهالى اصل انا كنت عاملة عنده احتلال واستعمار وقوات مسلحة وكل حاجة
بس مكانك محفوظ
يارب يقدرنى دائما وكتاباتى تعجبكم
دمت ف حفظ الله ورعايته

غير معرف يقول...

اخيتي الفاضلة
اكرمكم الله
وربنا يبارك فيكي لتوصيلك الامانة
قلت انك تحبي بسرعة ولم اقصد حب المراهقين
لكن موضوعاتك كلها توحي بمشاعر فياضة وجياشة
احببتي كثيرا مدونات مثل دسلمي وشاب فقري
وعملتي دعاية لهم
احببتي كثيرا التعرف علي دموع القمر وبادرتي بتحديد المكان والزمان متوافقا مع ظروفها
يعني اخذت انطباع من اسلوب حضرتك الراقي في التعامل مع الاخري
ولذلك كان تعليقي عن حب الرسول لكل شئ في الوجود
فالحب من ارقي المعاني والمشاعر
حينما يصفو من كدر الاخطاء
وحينما يكون نقيا من زلات المراهقة
وللأسف حينما علقت كنت في المعمل وكتبت بسرعة فلم اوضح مقصدي
بدأتي حبك بأفضل البشر وأقربهم لقلبك
الوالدان
ادام الله عزهما وبارك لك فيهما
وجعلك زخرا لهما واسعدك بحبهما
ووفقك لطاعتهما فتحظي بكل خير في الدارين
وتحدثتي عن اخيكي الحبيب الذي احببناه من ثنائك عليه

انسان بلا قلب ليس بانسان
وقلب بلا حب ليس بقلب

ربنا يبارك لك فيهم جميعا
ويحبب اليك الاخرين ويحبب الاخرين فيكي

بس سؤال رخم
لما هو اخوكي
وهو التاني ماجاش
ايه عرفك ان الوردة ب3 جنيه ؟؟؟
لازم تعترفي
بدل ما اروح اسأل كل بتوع الورد اللي حولين بحر مويس
انا عارفهم بس مشترتش منهم

ربنا يكرمك يادكتورة
ووصيتي لحضرتك
المذاكرة ثم المذاكرة ثم المذاكرة
وبعدين برضه المذاكرة
لحد ماتخلصي مذاكرة
برضه تذاكري تاني من الاول

د/ أحمد لاشين يقول...

اخيتي الفاضلة
اكرمكم الله
وربنا يبارك فيكي لتوصيلك الامانة
قلت انك تحبي بسرعة ولم اقصد حب المراهقين
لكن موضوعاتك كلها توحي بمشاعر فياضة وجياشة
احببتي كثيرا مدونات مثل دسلمي وشاب فقري
وعملتي دعاية لهم
احببتي كثيرا التعرف علي دموع القمر وبادرتي بتحديد المكان والزمان متوافقا مع ظروفها
يعني اخذت انطباع من اسلوب حضرتك الراقي في التعامل مع الاخري
ولذلك كان تعليقي عن حب الرسول لكل شئ في الوجود
فالحب من ارقي المعاني والمشاعر
حينما يصفو من كدر الاخطاء
وحينما يكون نقيا من زلات المراهقة
وللأسف حينما علقت كنت في المعمل وكتبت بسرعة فلم اوضح مقصدي
بدأتي حبك بأفضل البشر وأقربهم لقلبك
الوالدان
ادام الله عزهما وبارك لك فيهما
وجعلك زخرا لهما واسعدك بحبهما
ووفقك لطاعتهما فتحظي بكل خير في الدارين
وتحدثتي عن اخيكي الحبيب الذي احببناه من ثنائك عليه

انسان بلا قلب ليس بانسان
وقلب بلا حب ليس بقلب

ربنا يبارك لك فيهم جميعا
ويحبب اليك الاخرين ويحبب الاخرين فيكي

بس سؤال رخم
لما هو اخوكي
وهو التاني ماجاش
ايه عرفك ان الوردة ب3 جنيه ؟؟؟
لازم تعترفي
بدل ما اروح اسأل كل بتوع الورد اللي حولين بحر مويس
انا عارفهم بس مشترتش منهم

ربنا يكرمك يادكتورة
ووصيتي لحضرتك
المذاكرة ثم المذاكرة ثم المذاكرة
وبعدين برضه المذاكرة
لحد ماتخلصي مذاكرة
برضه تذاكري تاني من الاول

fL0weR-giRL يقول...

ياسلام ايه الحلاوه دي

فعلا احلي حاجه الأخوات

ربنا يخلكوا لبعض دايما يااااااااااارب


** تقبلي مروري **

شاب فقرى يقول...

شكلك زعلان اوى

بيطرية ومش بايدى يقول...

د/احمد لاشين
ربنا معاك ويعينك على شغلك
معلش اصل معظم اللى علقوا فهمونى غلط
مع انى قولت ف الاخر انه اخويا
اعزك الله واحبك ورفع قدرك وشأنك
ودائما تمتعنى بكلامك العذب الرائع
وبترفع من روحى المعنوية
ويااارب يستجيب كل دعواتك الجميلة ويكون لك مثلها وافضل منها

واجاوبك بقى ع السؤال
اصل ده من كرم الشراقوة قولت اخفض سعرها شوية عشان هتروح للغالية
وعلى فكرة انا خصمت حق توصيل الطلبات للمنازل

واطمن انا لحد دلوقتى ماجليش ولا وردة دى تسعيرة البيطرين

وان شاء الله هاسمع كلام حضرتك ومش هاعمل حاجة فى حياتى غير المذاكرة
بس ادعيلى
وانا ان شاء الله هاجيب تقدير بس عشان افرحكم
ربنا يسهل للجميع

بجد بتنورنى دائما وابدا

بيطرية ومش بايدى يقول...

flower girl
يااااارب اللهم آآآآمين

وتقبلى انتى مدونتى

بيطرية ومش بايدى يقول...

شاب فقرى
اه شوية بس مش عارفة من ايه
ممكن اكون زهقت وعايزاهم يرجعوا

شاب فقرى يقول...

انا يهمنى الناس ومبحبش ازعل حد


واسف لو كان فى اى مشكلة أو زعل

تحياتى

شاب فقرى

بيطرية ومش بايدى يقول...

ياابنى
مين قالك انى زعلت
طب والله العظيم تلاتة
مازعلانة مين قالك كده بس
انا مش فاهمة انت بتكلم على ايه
و بتكلفتنى وانا مش فاهمة حاجة
انا اصلا كنت هاجاى ارخم عليك من شوية بس مدونتك مش راضية تفتح عندى
الويندوز خربان على الاخر

ابو على يقول...

المشكله مش انى بسالك المشكله انى بديت اشك ف قدراتى العقليه
انا حاسس انى مبقتش اشوف قدامى

ههههههه

بيطرية ومش بايدى يقول...

لا انا عايزاك تشك براحتك فى قدراتك
هههههههههههه
انا قربت الطم على وشك منى

يابنى افهم ازاى يكون صاحبى
اولا انا مابتنيلش واصاحب
ثانيا اسمه صاصا احمد صبرى
يعنى اخويا من نفس الاب والام والله
مش اخويا من اب وام تانيين

فخمتو ولا لسه

ابو على يقول...

ههههههههه

انتى هاتخليكى ماسكه المقشه كده كتير

كومنتاتى دونت تاتش ات
هههههههههههه

بيطرية ومش بايدى يقول...

ميرسى لمرورك

مسدس صغير يقول...

ربنا يخليكو لبعض
ويحببكو فى بعض
قصة حب سعيدة
ربنا يديمها

ابو على يقول...

ههههههههههههههه

دى مش مقشه دى زعافه
تيب

بيطرية ومش بايدى يقول...

مسدس صغير
ياارب
اللهم آآآآآمين
ويخليلك اخواتك برده
ويديمهانعمة على المسلمين كلهم

حـــــروف متــبعترة " عــمرو الشــايب يقول...

احلى حاجة ف الدنيا بجد لما تلاقي حد بيحببك حب طاهر حب بجد ملوش حل حاجة كدة تخليك مرتاح امان و حنان بجد من قلبي صافى مش مستنى منك اى حاجة

ربنا يخليكوا لبعض ان شاء الله تكملوا مع بعض دايما ف الخير

بيطرية ومش بايدى يقول...

عمرو وائل
على فكرة مش هتلاقى قلب بالمواصفات دى
غير قلب الاخوات
صدقنى مهما كان الحبيب قلبه ازاى بس عمره ماهيكون زى قلب الاخ دى نعمة كبيرة اوى ربنا يخلى اخواتنا لينا كلنا
ومايحرمناش منهم ابدا يارب
قول آآآآآآآآآآآآمين

غير معرف يقول...

سلامي لكم

عاشق الجنة من الإخوان صلى على النبى يقول...

فينك يا بيطرية وفين تعليقاتك الجميلة
صلي علي النبي