السبت، 31 أكتوبر، 2009

الحمد لله


اللهم لك الحمد كما ينبغى لجلال وجهك وعظيم سلطانك
بجد بحمدك يا احلى واجمل حبيب ليا ياالله تنزهت وتقدست عن كل مكروه
انا جيت النهارده عشان اقولكم انى فرحانة اوى وسعيدة جدا جدا جدا بتعليقاتكم
وكان نفسى ارد عليكم واحد واحد بس انا فكرت انه ممكن ياذيكم زى مااذى غيركم كتير
ولاننا مسلمين ومتحابين ف الله ولانى بجد ومن غير اى نفاق بحبكم اوى وبحمد ربى
انه عرفنى عليكم
فانا خفت انى انشر تعليقاتكم وانتم بقى فاهمين الباقى
بس انا اظن ان عنده انفصام ف الشخصية او مختل عقليا مش عارفة اكيد عجز الطب عن تشخيص مثل هذه الشخصية السيكوباتية
كفاية بقى اديله حسنات على الفاضى
نخش ف الموضوع بقى يا جماعة
بصوا اكيد زى مااذى الاستاذ طه وشاب فقرى وغيرهم اكيد لازم ياذينى
وهو بنفسه قالى كده
بس انا مستبيعة طظ ف المدونة طظ ف الحساب اهم حاجة ربى
فلو لقيتم اى حاجة مش ولابد مكتوبة تحت اسمى اعرفم ان دى عمرها ماتكون كتابتى
واكيد انتم عارفنى كويس فمش هتصدقوا
ولو لا قدر الله حصل اى حاجة والمدونة باظت وهو اخدها لحسابه
عندى من الحبايب الف لا قول مليوووووووووون
مقدرش استغنى عنكم ابدا هادخل واعمل مدونة جديدة واسم جديد ومواضيع جديدة
ولحد مانشوف الامور هتستقر على ايه لكم منى افضل الدعاء لكم
واطيب التحيات واجمل واعذب حب ف الله لكم جميعا
نستودعكم الله الذى لا تضيع ودائعه
سبحانك اللهم وبحمدك نشهد الا اله الا انت نستغفرك ونتوب اليك سبحانك ربى رب العزة عما يصفون وسلام على المرسلين والحمد لله رب العالمين
بسم الله الرحمن الرحيم :والعصر ان الانسان لفى خسر الا الذين امنوا وعملوا الصالحات
وتواصوا بالحق وتواصوا بالصبر
صدق الله العلى العظيم

هناك 53 تعليقًا:

الأحــــــ إيناس ــــــزان يقول...

ازيك ياعمرى

عاملة ايةةةةةة وايةةةةةةةة اخبارك
بجد فرحت لما لقيت تعليقك منولا عندى
بجد انا بحبك ويشهد الله على صدق كلامى
ويارب يدوم الود بينا على ونفضل اخوة متحابين فى الله

الأحــــــ إيناس ــــــزان يقول...

ربنا يكرمنا خير يارب
ويجعل ما كتبنا بميزان حسانتنا
ولاذم كلنا نكون ايد واحده

فداك نفسى وابى وامى يارسول الله

جزاكى الله عنا كل الخير
ووربنا منتقم جبار قادر على كل شىء
حسبى الله ونعمه الوكيل
مودتى

شاب فقرى يقول...

كنت لسه هكتب بوست جديد واتكلم فيه واقول بيطرية وبيطرية وبيطرية

الله ينور عليكى ويكرمك يارب

هوا مش بيسرق أكونتات ولا بتاع

هوا أصغر من إنه يعمل كدا

هوا ببساطة بيعمل مدونة جديدة تحت نفس الاسم والمسمى الخاص بالمدون

فكك منه و قولى يارب

ربك قادر على كل شىء

تحياتى

شاب فقرى (( الأصلى مش التقليد ))
:)

زهور الامل يقول...

ازيك يا بيطرية

يابنتي متزعليش نفسك احنا عارفين كل واحد ممكن يكتب ايه
والناس اللي بيدخلوا ينتحلوا شخصيات وياخدوا اسماء المدونين دول ناس مريضة نفسيا ومش متربيين ولا محترميين كمان

حسبي الله ونعم الوكيل

7annen يقول...

ولا يهمك

احنا معاكى

وكل المسلمين مع بعض

وحسبى الله ونعمه الوكيل

كلمة صدق يقول...

انا سعيد جدا لانى اول تعليق وهاعمل زيك وهاقولك خلينى اقرأ وأرجع

كلمة صدق يقول...

شوفى انا رجعت بسرعة ولكن يظهر انى مش اول تعليق ولكن احب اقولك ربنا يحميك لانك انسانة كويسة كتيرولا تخافى من اي شئ ةلانك صادقة مع نفسك ودا اهم شئ وربنا مع الصادقين وشكرا

Saso يقول...

احييكى على شجاعتك دى
تحياتى

قلب فارس يقول...

السلام عليكم ورحمة الله وبركاتة
اريد منك طلب صغير عدم نشر اى تعليق الا بعد الموافقة عليه بسبب وجود اشخاص يتنكرون بااسماء اناس اخرون يقومون بنشر روابط اباحية وارجوا منك نشر هذه الكلامات
----------------------------
ثم قراءة مقال بعنوان ماما....كل اصدقائى لديهم عاشقالا انا....اريد عاشق
يدرس ما تاثير الفن السلبيى على الاطفال
http://qalbfars.blogspot.com/2009/10/blog-post_31.html

طهر فؤادك يقول...

السلام عليكم ورحمة الله وبركاتة

جزاكى الله خيرا والمسلمين

كويس انك وضحتى علشان بحسب انتى زعلانة من بلدياتك ولا حاجة وربنا يجيكى خير اللهم امين وانا كتبت موضوع عن دة والحمد الله رب العالمين ايناس نشرتة برضوا وربنا يكرمها يارب على نشرة وياريت برضوا تسعدسنى على نشرة عندك علشان ننبة الناس ويعم الخير لانى شارح بالتفصيل كل اساليب الشخص دة والله المستعان.

جارة القمر يقول...

ياجميلة انتي


وحشااااااااااااااااااني

انا اتبسطت بتعليقاتك عندي

ربنا يخليكي ليا ومايحرمنيش منك

أولا ياستي انا اسمي علياء

وفلسطينية ومن غزة عفكرة انا درست بمصر خمس سنين

وبحب تعليقاتك وكتاباتك اوي

ربنا مايحرمنيش منك يا أطيب قلب

قلب فارس يقول...

السلام عليكم

م/محمود فوزى يقول...

ان شاء الله خير
وربنا يبعد عنكى الاذى
يعنى ممكن تغيرى الباسوورد كل شويه

ولما تفتحى المدونه بالباسوورد حاولى متدخليش على صفحه حد الا لماتتاكدى انها عاديه مش متقرصنه

وان شاء الله مفيش مشكله

حسبنا الله ونعم الوكيل

ريمان يقول...

وانا كمان يا جماعه



لو حد كتب باسمى كلام وحش مش انا والله



على فكره الحمد لله ان كل المدونين عرفوا الحكايه دى فلو الشخص ده حاول انه ينتحل شخصيه حد تانى احنا هنكون عارفين اللعبه



تحياتى ليكى يا قمر

على فكره انتى وحشانى

لا تـــشـــتــــاق يقول...

ازيك ياااااااااقمر
طبعا انا عارف انى مقصر في حقك
بس انتى كمان غلطانه وانتى عارفه ليه
المفروض لما تواجههك اى حاجه عيب ان بابا ميعرفش
بجد عيب
سلام

بحر الإبداع يقول...

السلام عليكمـ

أخيتي الكريمة

بارك الله فيك وجزاك الرحمن خير الجزاء
وكلنا هنا أسرة واحدة بين اشخاص فرحهم واحد وحزنهم واحد ، فهنا بيتك الثاني ..

دمت بكل الود..

عاشق الجنة من الإخوان صلى على النبى يقول...

بجد موقف شجاعجداً وتحسدي عليه
وربنا يوفقك وانا اول واحد معاك
أيدي في أيدك مع بعض
صلي علي النبي

الشاعر الحزين يقول...

اللهم لك الحمد حما كثيرا طيبا مباركا فيه ملأ السماوات وملأ الارض وملأ ما بينهما وملأ ما فيهن وملأ ما شئت من شئ بعد أهل الثناء والمجد أحق ما قال العبد وكلنا لك عبد لا مانع لما أعطيت ولا معطى لما منعت ولا ينفع ذا الجد منك الجد

غير معرف يقول...

اللهم صلي علي خاتم النبين سيدنامحمد واهله واصحابه اجمعين الله يكون في عونك واصبري فلن يصيبك الا ماكتبه الله لك ومهمافعل فهو في ميزان حسناتك وحسبنا الله ونعم الوكيل قلبي ملك لربي

جارة القمر يقول...

ايه ده هو في حد بيهددك


شكلو اتخبط بدماغه

مالهم بيكي

جارة القمر يقول...

حاولي تكوني قوية وسيبيكي من الاستسلام والضعف وخليكي واثقة انك صح حبيبتي ومايهمكيش منهم


النخل دايما بيتحدف بالطو عشان الناس مش بتقدر توصلو

ماتخليش حد يوصلك

انتي فاهماني

ربنايحميكي حبيبتي

طهر فؤادك يقول...

السلام عليكم ورحمة الله وبركاتة

اخبارك اية

وربنا يعزك ويكرمك يارب والمسلمين

ويوفقك ان شاء الله فى دراستك وكل شباب المسلمين

اخوكى فى الله

العيسوى الصغير يقول...

الكلام على التعليقات اللى بتكتب باسماء المدونين ولا ايه طيب لو عاوز اعرف دا حصل معيا ولا لااعمل ايه

Yusuf يقول...

الحمد لله كما ينبغي لجلال وجهه وعظيم سلطانه

يارب تكوني دايماً بخير

ومتنسيش الدعاء المتبادل

تحياتي

شفـقــة و إحســــان يقول...

ولا يهمك ده انسان مريض
ودخل عند ناس كتير وكتب كلام مش كويس
بس للاسف هو ما يعرفش ان فى منهم ناس احنا بنعرف كويس وبنحترمهم لانهم ناس مهذبين ومهما يعمل مش هنغير فكرتنا عنهم

بيطرية ومش بايدى يقول...

نرد على التعليقات بعد خمسين سنة بعد ما اتكتبت
اعذرونى يا جماعة معلش بس انتم عارفين البير وغطاه

بيطرية ومش بايدى يقول...

نوووووووووسة
انا الحمد لله كويسة مادام انتى كويسة
وانا بمووووووووووت فيكى
عارفة امنيتى ايه دلوقتى
انى اشوفك بس هى دى امنيتى والله

بيطرية ومش بايدى يقول...

نوسة
ويكرمك يا حبيبتى
اكيد دايما ايد واحدة

وجزاكى مثله يا حبيبتى
وربنا فعلا قادر

مودتى لكى

بيطرية ومش بايدى يقول...

شاب فقرى
ربنا يكرمك يارب
هو القادر

اصلى اصلى
محدش يقدر يقول غير كده

بيطرية ومش بايدى يقول...

زهور الامل
زهورى عاملة ايه ياحبيبتى
والله وحشانى
مووووووووت
انتى تعرفى غيرك مايعرفش
ربنا يخليك ليا ومايحرمنيش منك

بيطرية ومش بايدى يقول...

حنين
حبيبتى ربنا يخليك ليا يارب
مش انا قولت انا بحمده انه عرفنى عليك يا قمراية
والله الواحد من غيرك كان هيعمل ايه

ربنا مايحرمنيش منك

بيطرية ومش بايدى يقول...

كلمة صدق

والله بستنى تعليق حضرتك
لانها كلمة صدق مفهياش اى نفاق ولا اى مجملات
ربنا يعزك يارب

والله تعليقك هو اللى بينور المدونة

مشرفنى دائما

فشكووول يقول...

النيران دى اصابتنى ولقيت عندى تعليق من مدونه بس تعليق زى الزفت رحت عنده لقيت مدونه زى الزفت رجعت للريدر للمدونه الاصليه لقيتها محترمه
ربنا يخرب بيته وبيت ابوه

بيطرية ومش بايدى يقول...

saso
ربنا يكرمك دى مش شجاعة ولا حاجة
لو كنت مكانى او اى حد كان مكانى كان ممكن يعمل اكتر من كده انا عملت اللى قدرت عليه
وربنا يعزك يارب
وياريت الزيارة تتكرر

بيطرية ومش بايدى يقول...

شوفت يا عمو فشكول
ربنا بجد يخرب بيته
مش عارفة الناس دى جنسها ايه

وامال لو كنت قريت اللى اتبعت لى ده نكد عليا لمدة3 ايام بس قولت ربنا هو اللى هياخد حقه وحق رسله

بيطرية ومش بايدى يقول...

قلب فارس
روحت وشوفت البوست ويا جماعة ياريت تقروا البوست فعلا الموضوع محتاج وقفة
وعايزين نعرف نتصرف فيه ازاى

بيطرية ومش بايدى يقول...

طهر فؤادك
وعليكم اطيب السلام والرحمة والبركات
وجزاكم مثله
والله الواحد من غيرك كان زمانه تايه
ربنا يعزك يارب ويبعد عنك اى سوء انا عارفة انى مقصرة بس غصب عنى
دعواتك بقى

بيطرية ومش بايدى يقول...

جارة القمر
اولا عاشت الاسامى يا اجمل علياء ف الدنيا
واكيد مصر نورت بوجودك فيها
وربنا يعلم انا بحبك قد ايه

ربنا يخليك ياقمراية وماتحرمش منك

بيطرية ومش بايدى يقول...

قلب فارس
وعليكم السلام

بيطرية ومش بايدى يقول...

م/محمد فوزى
كنت هاعمل زى ما حضرتك قولت بالظبط
بس المشكلة انى بنسى الباسوورد


بس الحمد لله الموضوع عدى على خير
من غير اى اصابات
بفضل دعواتكم

وحسبنا الله ونعم الوكيل

====================================================================

ريمان
اكيد ياباشا الكبير كبير
وانت الاصل والباقى كله تقليد
ربنا يعزك ويبعد عنك اى سوء

وربنا المعبود انتى وحشانى اكتر
==================================================================

لا تشتاق
حمد لله على سلامتك يا بابا
نورت المدونة من تانى
ولا يهمك ربنا معاك ويعينك ويحقق لك كل اللى انت عايزه
وتنول اعلى المراتب
وانا رديت عليك بقى عندك ووضحتلك
والمسامح كريم قصدى احمد
===============================================================

بحر الابداع
ربنا يبارك فيك ويكرمك
دى اول زيارة مش كده
منورنى يعنى الموضوع جه بفايدة برده يكفى انه عرفنى على حضرتك
دمت بكل الود والحب والخير

ربنا يكرمك يارب
==================================================================

استاذ طه
يارب تكون الاصلى ويارب يكرمك ويجعل صبرك فى ميزان حسناتك
عليه افضل الصلاة والسلام
================================================================

الشاعر لحزين
كلامك جميل وجاى فى الصميم
ربنا يكرمك ويتقبل منك
اللهم آآآآآآآآآآآآآآآآآآمين

======================================================================

بيطرية ومش بايدى يقول...

غير معرف
قفشتك يا قرده
طب قولى كلمة السر
الدبوس فى الطماطم غلط يابوحة
ربنا يتقبل منك ويجعله ف ميزان حسناتك يا جميل
وابقى كررى الزيارة
يا بخيلة

وقلبى ملك لربى اجمل حاجة ف الدنيا
ان حياتى كلها لله
دمتى بخير
وتصبحى ع خير

بيطرية ومش بايدى يقول...

جارة القمر
شوفتى بيهددونى يا اختشى اهئ اهئ
:)))))))))
والله الموضوع ده جه بفايدة جامدة جدا
القمر عندى و3 مرات ف بوست واحد مش مصدقة
ايه الهنا اللى انا فيه ده
لووووووووولى النهاردة العيد يا ولاد

فاهماكى يا حبيبتى ووصلى كلامك

ربنا مايحرمنى منك ابدا دايما واقفة جنبى
تحياتى لك يا اجمل قمر
======================================================================

طهر فؤادك
وعليكم اطيب السلام والرحمة والبركات
انا بخييييييييييير طول ما انتم بتسألوا عليا ومتواجدين معايا
ربنا يعزكم يارب ويكرمك
ويارب يستجيب دعواتك
وتكون انت كمان من الاوائل دنيا واخرة

اختك فى الله
====================================================================
العيسوى الصغير
لالا حضرتك تمام وفى السليم
وبعيد عن النيران
اكيد عرفت السبب انا كتبته عند حضرتك
ياريت الزيارة تتكرر
مودتى
===================================================================

يوسف بيك
يا منورنى الحمد لله طبعا
يارب تكون انت كمان بكل خييير
واكيد مش هانسى
ربنا معاااااااك ويعينك ويوفقك

=====================================================================

شفقة واحسان
ربنا يكرمكم يا اجدع اتنين متجوزين ف الدنيا
ويعزكم ومايحرمنيش منكم
ودايما متجمعين على كل خييييييييير
ومشرفنى دايما
اعذرونى لانى مش متابعاكم
بس الله اعلم بظروفى والله
=========================================================================

كده انا خلصت خلاويص
فرحانة اوى بتعليقاتكم دى
والله لو قعدت اتكلم من دلوقتى لحد اسبوع قدام مش هاقدر اقولكم ايه انا بحبكم اوى ومقدرش استغنى عنكم
فعلا زى ماقال
بحر الابداع ده بيتى التانى
حاسة معاكم بالامان والراحة واهم حاجة الثقة
ربناااااااااااااااااااااااااااااااااااااا يخليكم ليا يارب

دعواتكم بقى

singamaraja يقول...

Reading and visiting your blog

بقايا انسانه يقول...

قولي يارب ربك اكبر من اي حد

واللي بيتعمد يأزي الناس دا له رب

لابيغفل ولا بينام

قادر ينتقم من كل ظالم

جزاكي الله خيرا

بارك الله فيكي

momken يقول...

خليها على الله

جزاكى الله كل خير
فى ناس كتير فسله

و بيضيعوا كل طاقتهم فى احباط الاخرين

والى بيحصل ده دليل نجاح

تحياتى

3mr wa2el يقول...

يااااااااااااة فية لسة حد كدة

سبحان الله

احيكي

اللى موش عارف يتغير يقول...

انا موش معاهم انا معاكى
بضم صوتى لصوت الجميع واحنا معاكى

حلم بيعافر يقول...

ولا يهمك يابيطرية

مع انى بحقد على الصيادلة والبياطرة بس متضامن معاكى

انا غيرت الباسورد بتاعى خليته صعب شوية

اعملى انت كمان كده

بس وهو مش هيقدر يعمل حاجة لانه مرييييييييييض

كملى ومتحرميناش من كتابتك

حلم بيعافر يقول...

الله
مانت عاملة مودريشن اهوه والتعليقات مبتظرهش غير بعد موافقتك

اممممممممممممممم

مانت اتعملتى ومظبة الدنيا اهوه

امال خايففة من ايه بقى؟

كلمة صدق يقول...

السلام عليكم فينك طمنينى عليك

كلمة صدق يقول...

اختى الصغير تعرفى انا ماليش احوات اصغر منى وحاسس ان ربنااهدانى اخت اخيرا ياريت تاخدى بالك من نفسك ولو احتجتى اى شئ لاتترددى انا موجود اخيكى الاكبر هاشم

كلمة صدق يقول...

معلش التعليق الاخير مش فاهمةوشكرا

فتاه في الغربه يقول...

بخخخخخخخخخ
السلام عليكم ورحمة الله وبركاته

ايه رايك ف المفاجأه دى
تحفه موش كدا
بس ايه يابنتى الشغل الجامد دا
عينى حليكى بارده
بجد عجبنى اوى البوست والجو الاسري الجميل دا
يارب مش اكون ضيفه ثقيله عليكم

بدعى ربنا ينتقم من الشخص دا واللى زيـــــه ونشوف فيهم يوم
وموش هتكلم عليهم كتير لانهم مش يستحقو الاهتمام دا ولا الحسنات دى
يلا حزرى فزرى قشري وقولى انا مين
اكيد عرفتينى يعنى دا انا غبيه اوى!!!!

اللهم صل وسلم وبارك على سيدنا محمد ف الاولين
وصل وسلم وبارك على سيدنا محمد ف الاخرين
وصل وسلم وبارك على سيدنا محمد ف الملأ الاعلى الى يوم الدين