الجمعة، 23 أكتوبر 2009

نسينا.......

ابدأها دايما بسم الله عشان رزقى ورزقك على الله
وعشان مابنلجأش لغير الله تخلى توكالك على الرحمن
دى الصحراء تبقى بامره طوفان
لو جوه قلبك نار بركان مين هينجيك غير الله
وعشان بقالى كتير مااتكلمتش معاكم لازم ابدأ كلامى
باحلى تحية واقول سلام عليكم ورحمة الله تعالى وبركاته
وعشان النهاردة الجمعة لازم نصلى على حبيب الملايين حبيب المسلمين
عليه افضل الصلاة واتم التسليم
عشان ربنا يصلى علينا ويكتبنا من المغفورين لهم
بغض البصر عن الصورة اللى فوق دى انا لاقيتها معبرة عن كل اللى فى نفس
اى واحد انه يقوله
ماعليناااااا
انا المفروض كنت انزل البوست ده من اسبوعين تلاتة
بس حصلت ظروف كده!ماعلينااا
بس زى ما بيقولوا كل تأخيرة وفيها خيرة
انا لاحظت حاجة كده بس مش حلوة خالص
كل مرة يبقى فى حصار ولا مذبحة ولا اما يجد جديد فى غزة ولا فى فلسطين
عامة. نهيص فى الهيصة فى وسط الزحمة ونعمل مظاهرات ونعيط ونتأثر بالاغانى
والافلام الوثائقية وندعى ربنا فى ساعتها وخلاص
طب وبعدين............
هس لاحس ولا خبر ولا كأن فى حاجة حصلت ونمارس الحياة عادى جدا
انا مابقولش نبقى صلاح الدين اللى كان مابيضحكش واما اتسأل
قال كيف اضحك والاقصى اسير
لالالالا اوعى حد يفهمنى غلط
بس نفسى اما نبتدى حاجة نكملها للاخر مش نروح ونقولوهم عدولنا
ياريت تكونوا فهمتوا قصدى
وربنا عالم ان انا كنت عايزة انزل البوست ده من يوم السبت اللى فات
بس برده الظروف مش سايبانى فى حالى ما علينااااااا برده
اقولكم بقى على سبب انى انزله النهاردة انا شوفت حاجة على قناة العربية وجعتنى اوى
شوفت اطفال فلسطين عاملين برلمان
اه والله برلمان الطفل الفلسطينى تخيلوا رافعين شعار ايه؟؟
اتذكرونا!!!!
بيقولوها لكل المسئولين سواء ف فلسطين ولا العالم العربى كله بيقولوا
كمان قتلتوا براءتنا مش عارفين نعيش حياتنا بدى العب ويا اصحابى ف الحارة
بدون مايجى صاروخ علينا ويقتلنا
وغيرالكلام ده كتير
وجعنى اوى الكلام ده ولا تتخيلوا اصلا منظرهم وهما بيقولوه كان عامل ازاى
بس خلاص انا كده خلصت اللى كنت عايزة اقوله ويارب يكون وصلكم اللى
نفسى فيه
انا هاسبيكم بقى مع البوست الاصلى اللى كاتباه دموع القمر
ونزلته فى المدونة بتاعتها وكان المفروض انزله معاها
لعل وعسى اللى ماشفهوش عندها يشوفوه عندى
ويعمل بيه

ملاحيظ::خلى بالكم اوى من الفيديوهات الموجودة هنا

وركزوا ف الاخير اوى اوى اوى

رحماك يارب

غزة فى حصار صواريخ ليل نهار

اطفال يتألمون

وشيوخ يبادون
ونساء يصرخن
وعزل يدافعون
والادهى والامر
ان اليهود يصفقون لبعضهم البعض ويبرروا ما يفعله اليهود الاخرون
احقا انقلبت الاية؟؟؟؟؟؟
مع كل هذا قنوات تبث الغناء والحفلات
وأخرى تعرض الأفلام و المسلسلات
وكأن أمر المسلمين لايهمهم
دون مراعاة لمشاعر المسلمين
ألهذا وصل الحال بنا ؟؟؟
السنا جزء لايتجزأ
يؤلمنا مايؤلمهم ؟؟؟؟
أي ذنب ارتكبوه ليفعل الصهاينة مافعلوه ؟؟؟
وأي ضعف يعيشه المسلمون
ألسنا كجسد واحد إذا اشتكى منه عضوا تداعى له سائر الجسد بالسهر والحمى
إذا مابالنا لا نشعر بما يشعرون
ولا نتالم كما يتألمون
أو أننا نشعر ونتخاذل
أم أننا فعلا عاجزون
انا مش حاطة الصور دى علشان نبكى او نتألم انا حطاها علشان نتحرك علشان نفوق يمكن دا واحد على مليون من اللى بيحصل
ويمكن مش معبر
بس تخيل كمية الذل والمهانة اللى هما فيها
ماتت قلوب الناس ماتت بها النخوة
يمكن نسينا فى يوم ان العرب اخوة
مات الاحساس جوانـــا ولا احنا اللى امــــــــوات
ولا ضـــمير العالم خلاص احســـــاسه مــــــــات
اطفــال شيـــوخ نسـاء تصرخ وما حدش سامـــع
اشـلاء دمـاء شـهداء و ضمــــــير العالم ضايـــع
يا امه صــــحى الهمه وصــــلى صوتك للكــــون
قتلوا رمــــــــوز الامه ولا حــــرك فينا سكــــون
نبــــكى ودمع الناس دمع بغــــــــير ريــــــــــــاء
فإذا غــفى الاحساس ماذا يفيــــــــد بكـــ
صحى قلوب الناس صحى بها النخوة اصرخ بكل احساس ان العرب اخوة


الضمير الآثم مش محتاج لاصبع قيام وعشان كدا حاكموا انفسكم قدام ضمايركم
ولازم تعرفوا ان شجره الظلم عمرها ما تطرح غير ظلم
ولو بالغنا في استسلامنا بيضيق فكرنا وعمرنا ما هنشوف الحقيقه
واللي بيصدق كدب الحياه بيسخر منه ضميره
وهتكون عواقب صمته اشد خطوره بكتير من اسبابه
واما الضمير الحي فهو مناره الانسان الى الصواب
ولازم نستعين بيه علشان نحقق حلمنا العربي
ويلا بينا نصحي الضمير ينطق والا يبقى ضمير
كلنا طبعا عارفين اللى بيحصل لاهلنا فى غزة على وجه الخصوص من جراء الحصار المفروض عليهم ..وكلنا طبعا متعاطفين معاهم ...بس للاسف التعاطف لوحده مش كفاية ..على فكرة التعاطف دى كلمة جديدة تضاف الى قاموس نشجب وندين ونستنكر ....والكلام الفارغ اللى كلنا عارفينه
اخوانا دول ليهم واجب علينا

اول واجب.........................الدعاء
افتكر كلنا ممكن ندعى بس المهم الدعا ما يكنش من على طرف لسانك ولا تخليص ضمير.. لا يكون طالع من قلبك.......العبرة بالاخلاص
ثانى واجب......................التبرع
باللى تقدر عليه من مال او ملابس ....اسال ودور على الناس اللى ممكن توصل الحاجة دى
ثالث واجب .....................انك تكون دايما على علم باخبارهم وتعرف اهلك واخواتك واصحابك واولادك باللى بيحصل هناك ( من لم يهتم بأمر المسلمين فليس منهم )

اعتقد انه واجب بسيط ممكن كلنا نعمله وربنا ينصرهم ويثبتهم

حاجة كمان عايز اضيفها
تخيل ان ابنك دخل غرفة العمليات يعمل عملية ممكن تتوقف عليها حياته او زوجتك فى المستشفى بتولد وفجأة الكهربة قطعت...ممكن تعمل ايه.............اهى غزة عايشة من غير كهربا
هل تتخيل انك ممكن تنام فى البرد القارص ده من غير غطاء .....معظم اهل غزة بينامو من غير غطا
ياريت اللى يقدر على حاجة من اللى الشيخ قالهم دول يعملها وياريت ما حدش يستهتر باى واحدة منهم ويقول هو الدعا هيعمل ايه .....من عارف ( رب اشعس اغبر لو اقسم على الله لأبره )
يامسلمين ايه الا جرى لنا
راحت فين فين همتنا
واقفين نتفرج على حالنا
حرمات تنهك
اراضى تغتصب
بيوت تتفجر
نبكى شوية وبعدين نقوم نمسح دموعنا
ونرجع من تانى نعيش حياتنا

هتلف الايام وبكرة هييجى علينا الدور
بس ساعتها
هتدافع عن حقك ولا تستسلم وتموت
امتى هييجى عليك اليوم
اللى هتتحدى فيه سكوتك
وتقوم تقول بأعلى صوتك
لا لاستسلام
انا مبقلش نقوم نحارب او نمسك سلاح
بس اقوى سلاح فى ادينا دلوقتى هو الدعاء
قوم وقول يارب
هو قادر ينصرنا
بس مستنى تحركنا
دا قال فى كتابه العزيز
(ان الله لايغير مابقوم حتى يغيروا مابأنفسهم )
صدق الله العظيم

اقسم بالله اني ممسكتش نفسى ودموعى نزلت غصب عنى
وانا اكتب البوست دا
اردت التعبير عن مشاعري والتكلم معكم واريد ان اسمع ارئكم وقولكم الذي انا اعلم جيدا انه لا يقل شئ عن مشاعري
وبجد نفسى اننا نكون ايد واحدة واى حد يقرأ البوست دا ينقله ويحطه فى مدونته
مش هتخسر حاجة لما تحطه عندك يمكن نقدر نصحى الهمة تانى
يمكن انا كنت زى اى حد افتح قناة الاقصى او الاخبار واتأثر شوية
وادعى او امسك مصحفى واصلى
وبعد كدا خلاص انتهى الامر على كدا
قولت للامتى هنفضل كدا
ليه مانقولش لا

كده كلام دموع القمر او همسات على ضوء القمر خلص

يارب تعملوا بيه ونكون فعلا ايد واحدة

اما اخر فيديو فده كنت بسمعه من زمان اوى

بس اما شوفت الاطفال النهاردة قولت هو ده اللى منطبق عليهم

ركزوا ف الكلام هتلاقوه صح

بس خلاص

هناك 53 تعليقًا:

بيطرية ومش بايدى يقول...

معلش ياجماعة
عذرا لسوء الخط
او لصغره
غلطة مطبعية
البلوجر علق

بس خلاص

سلام عليكم

حفيدة عرابى يقول...

نتقابل ان شاء الله جمعاء فى سجن النساء بالقناطر
تسلم ايديك ياقمر
هو ده الكلام

♥نبع الغرام♥♪≈ يقول...

ههههههههههههههههه

وحشتينى يابت الهى يحرقك بكيروسين

كده مش معبرانى ربنا يسمحك

زعلالالالالالالالالالالالالالالالالالالالالالالالالالالالالالالالالالالالالالانه
عااااااااااااااااااااااااااااااا

♥نبع الغرام♥♪≈ يقول...

تانى تعليق ايه الهنا دا انجاز والله


ههههههههههههههههههههههه

العب بقا شويه

عاشق الجنة من الإخوان صلى على النبى يقول...

اللهم رد إلينا المعتصم رداً جميلاً
صلي علي النبي

♥نبع الغرام♥♪≈ يقول...

وحشتينى

ايه اخبارك واخبار الكليه ايه
يارب تكون امورك ماشيه وكله تمام وعال العال
ربنا يطمنى عليكى يارب

♥نبع الغرام♥♪≈ يقول...

بحجز لدموع القمر

توتو حبيبتى
دا مكانك

يلا تعالى بسرعه

♥نبع الغرام♥♪≈ يقول...

اروح اقرء وارجع

فاصل ونواصل

راجعه تانى يابت

♥نبع الغرام♥♪≈ يقول...

ايه يابت البوست دا دا ماسك من اول شارع الهرم لخر شارع شبرا والدئرى

♥نبع الغرام♥♪≈ يقول...

طيب


ربنا يسهل

اروح البس النظارة والبسها واشوف خبير امريكى يساعدنى فى الترجمة

هههههههههههههههههههههههههههه

♥نبع الغرام♥♪≈ يقول...

بسم الله ماشاء الله بجد كلمات قويه قووى الهى ربنا يبارك فيكم يارب ويكرمك الف خير ويججعلها بميزان حسانتكم هذه التدوينه الاكثر من رائعة

♥نبع الغرام♥♪≈ يقول...

تدوينة روعه


بجد هايلين قووووووووووووووووووووووى

ربنا يزيد ويبارك ويكتر من امثلكم

شاب فقرى يقول...

بوم بوم بوم بوم بوم

المفروض يبقى إسمه عودة بيطرية ومش بإيدها

صباح الفل

ولا نقول مساء الفل

ولكم باك

الفقرى الكبير نمبر وان

شاب فقرى يقول...

انا قاعد هنا لحد كمان تلات سنين :D

تعليقات ورا تعليقات

لحد اما اتعشى واقرا البوست لما اخلص عشا

ما تتفضلوا معانا

مينيمم تشارج : 90 جنيه :D

تحياتى للدكتورة

الفقرى الكبير

شاب فقرى يقول...

نقفل بقى بالتعليق رقم 15 قبل ما اتعشى

عشان يبقى احتلال وكل حاجة تتقال

ولنا عودة بعد العشا

شاب فقرى

ريمان يقول...

اه يا عينى



عنيا وجعتنى بجد


والبوست طويييييييييييل اوى


مكنش ينفع يقصر شويه؟


هههههههههههههه



جارى تحميل الفيديو عشان نشوف


تسلم اديكى يا قمر

بيطرية ومش بايدى يقول...

لقد خلقنا الله احرارا
يا اهلا يااهلا بالشباب الامور
هههههههههههههههه
ان شاء الله نتقابل هناك ومصطفى يبقى ياخد اجازة من ابو زعبل ويجيب لنا عيش وحيلاوة
اى خودعة يا قمر

شاب فقرى يقول...

فى نقطة هامه موت عايز افكرك بيها

ان جند مصر فى رباط إلى يوم القيامة

وأنهم خير أجناد الأرض


يعنى فلسطين هترجع يعنى هترجع

بس هى مسألة وقت

ربنا يستر عليهم ويحميهم يارب اهل فلسطين

تحياتى

شاب فقرى

بيطرية ومش بايدى يقول...

نووووووووووووسة
هههههههههههههههههههههه
والله انتى كمان وحشانى موووت وربنا العالم وبسأل عليكى وربنا
اسألى توتو

شاب فقرى يقول...

ونرجع نقول حمدا لله عالسلامة يا بيطرية :)


الف الف الف حمدا لله عالسلامة

فقرىىىىىىىىىىىىىىىىىىىىىى

بيطرية ومش بايدى يقول...

طب ارد على الفقرى الكبير
الكبير كبير برده يجيله اكله لحد السرير
:))))
بااااااااااااااااااااارب ترجع يارب بسرعة
نفسى قبل ما اتجوز (كمان 20 سنة كده)
ترجع لنا القدس بجد ساعتها ممكن اعمل فرحى هناك

شاب فقرى يقول...

كمان تعليق فقرى طازج بنار الفرن


عشان أبقى عملت إحتلال فى وجود صاحب المدونة

يعنى جريمة بلوجرية دولية

:D

فقرى

بيطرية ومش بايدى يقول...

الله يسلمك يا احلى فقرى

ربنا يفك فقرك ده

منور وربنا

تحياااااااااااتى

بيطرية ومش بايدى يقول...

ياسيدى اعمل جريمة
على الاقل جريمة لا يحاسب عليها القانون

براحتك
لو معاك دبابات حتى

نو بروبليم

منووووووووووووووووووور

بيطرية ومش بايدى يقول...

مقولتش ايه رايك ف الفيديو
يا شاب
اكيد شوفت الاول عند دموع
طب التانى ده

يارب يعجبك

بيطرية ومش بايدى يقول...

نكمل مع نوسة حبيبة هارتى من جوه
وربنا انتى نورتنى المدونة ياقمر المدونات
ايوة كده طلى علينا باحتلالاتك التحفة
انتى مش عارفة ان انا سميتك زعيمة الاحتلالات البلوجرية

شاب فقرى يقول...

صراحة

انا مش شغلت اى فيديو حتى اللى كانوا عند دموع القمر

لأكتر من سبب

اول واحد بقتنع ان الكلمة اقوى من اى فيديو

تانى سبب ان المتصفح بتاعى مفيهوش اى حاجة تعرض فيديو

تالت سبب مش فاكره

لما افتكره هعلق تانى :P

فقرى
وحمدا لله عالسلامة كمان مرة

بيطرية ومش بايدى يقول...

معلش يانوسة
ماهو 2 ف واحد
يعنى شامفو
البوست بتاع دموع القمر الى نشرته من زمان
وكلمتين كده على قد ما قوسم بتوعى
يارب اكون وصلتلكم الفكرة

بيطرية ومش بايدى يقول...

هههههههههههههههه
لا تلات اسباب مقنعين يا فقرى
كلامك صح بس الاغنية ماهى الا كلمات
وخاصة كمان اما تسمعها من صوت قوى انا عن نفسى جسمى ارعش
اللى هى اشعر يعنى
لما سمعت الاغنية دى

ياسيدى كويس ان ترهاتنا نالت اعجابك

بيطرية ومش بايدى يقول...

اه صحيح

الله يسلمك
الله يسلمك
الله يسلمك
الله يسلمك
الله يسلمك
الله يسلمك

بيطرية ومش بايدى يقول...

نوسة عدنا معاكى ياقمر

معلش ماهو النهاردة حصلت لخبطة جامدة جدا فى البلوجر بعد ماكان الخط كبير وتقيل على بال مانشرت البوست كله ضاااااااااع كله اتكسر


اه ادعيلى يانوسة
الكلية جامدة جدا وكله بالعنجليزى
ومحدش فاهم حاجة خالص


ربنا يستررررررر

بيطرية ومش بايدى يقول...

ايون ايون احجزى لدموع
البت دى وحشانى موت والله
بقالى كتير ماكلمتهاش
وكل شوية افتح عليها من غير ما اقصد
يعنى شوية وهتخنقنى


ربنا يجمعنا دايما على طاعته يا قمراية


ويااااااااااااااااااااااااااااااااااااااااااارب
يجمعنا ف الجنة مع حبيبه وحبيبنا

ياااااااااااااااااااااااااااارب

قولى آآآآآآآآآآآآآآمين

بيطرية ومش بايدى يقول...

عاشق الجنة
اللهم صلى وسلم وبارك على سيد الخلق اجمعين

اللهم آآآآآآآآآآآآآآآآآآآآآآمين
وعن قريب
ياااااااااااااااااااارب

بيطرية ومش بايدى يقول...

شاب فقرى
اه كده عزومة مراكبية
وب90 جنيه
يالهوى هو احنا محدثين نعمة يا جدع
ههههههههههههه
ماشى ماشى
90 تسعين بس هناكل يعنى هناكل
اه طفاسة:))))))))))))

منووووووووورنى وربنا المعبود

ادينى سمعت كلامك اهو وبطلت لف ف المدونات
اى خودعة يامعلم تلموذتك لازم تسمع كلامك

بيطرية ومش بايدى يقول...

ريمان
حبيبى وحشانى مووووووووووووووووووووت
معلش
ماانا لسه بقول لنوسة البوست اتنين ف واحد
يعنى شامفو وبلسم
بتاع دموع القمر وشوية كلمتين بتوعى كده على قد ما قوسم

بس يارب الفيديو يعجبك ياقمر

بيطرية ومش بايدى يقول...

على بال ما تعليق تانى يجيى
هالحق بقى اقول كلمة شكر كده وحب صغننين لاعز حبايب
اللى وحشونى مووووووووووووووت
ويكفى انهم بس كانوا بيسألوا عليا
دى عندى بالدنيا كلها

من موقعى هذا اوجه احلى شكر وحب واحترام وتقدير وكل حاجة حلوة
لنوسة الانوسة وتوتو دموعالقمر
وطبعا شاب فقرى نمبر وان والاخير كمان
وطبعا ف المقدمة
من افراد عيلتى الحبيبة تيمو لقد خلقنا الله احرار
ود/احمد لاشين يارب يوصل للبوست بتاعى بس






ده كده شكر على الهامش
لسه الكبير ف السكة

------ يقول...

روحى شوفى البوست

غير معرف يقول...

السلام عليكم
اختى الكريمه
جزاكم الله خيرا على الموضوع الرائع والشكر موصول للاخت الكريمه (همسات على ضوء القمر)

الموضوع مؤلم فعلا وخطير لينا اصلا
غزه وفلسطين كلها مدخل شرقى لمصر وامنها ضمن الامن الوطنى المصري
وعلى مدار التاريخ من ايام الفراعنه كان اللى بيحكم مصر بيحاول تكون فلسطين تحت السيطره المصريه او على الاقل ان لا تكون هناك مشاكل هناك
كمان دينيا دول اخوتنا المسلمين بيتبهدلوا ومتحاصرين وللاسف بنكون من اسباب الحصار

بس ايه المطلوب مننا
عندي كام اقتراح
التبرع لهم عن طريق اماكن موثوق بها مثل اتحاد اطباء العرب ونقابة الاطباء
الدعاء لهم
مقاطعه المنتجات الصهيونيه والامريكيه
تعريف الناس بالقضيه
محاولة المشاركه قدر المستطاع فى المشاركه فى الفعاليات السلميه لفك الحصار والتنديد بالاحتلال
تطوير كل منا نفسه بحيث نكون امه متقدمه
التقرب لله وتغليف كل ماسبق بنيه خالصه لوجه الله تعالى

دى شويه اقتراحات

اشكرك مره تانيه والاخت (همسات على ضوء القمر)
واسمحى لى بانى ساعلق بنفس التعليق تقريبا على نفس الموضوع هناك
ربنا يكرمكم ويسعدكم

زهور الامل يقول...

بوست في منتهى الروعة
انا حسيت كل كلمة انتي قولتيها
وانا قرات بوست دموع القمر قبل كدة

ربنا قادر يحنن قلوب الناس وقلوب المسلمين عليهم
يااااااااااارب انصر المسلمين في كل مكان
واهزم اعدائهم واعدائك اعداء الدين

تسلم ايدك بجد على البوست الرائع ده وربنا يقدرنا جميعا اننا نقدر نعمل حاجة علشانهم

تحياتي

Yusuf يقول...

مش عارف اقول ايه

الناس - وانا واحد منهم - بقا عندهم تبلد في المشاعر

خلاص الهموم اليومية نستنا كل حاجة

لا حول ولا قوة الا بالله

طوبه فضه وطوبه دهب يقول...

ربنا يكرمك على كلامك واحساسك وحسبنا الله ونعم الوكيل على ما يحدث وما نرى ولا حيله لنا

غير معرف يقول...

السلام عليكم
وحشاني مووووووووووت
مووووووووووت
معلشي والله الموبايل مش كان معايا
والنت فاصل
ومش قادره اتابع مدونتك خالص
بس هعوضها والله لما النت ييجي وهقرا كل اللي فات
بجد وحشتيني جدا
خدي بالك من نفسك
وطمنيني عليكي
بحبك في الله
في رعاية الله
السلام عليكم

بيطرية ومش بايدى يقول...

م/محمد فوزى
مراحب بهندسة وناسها
اولا اشكرك على الزيارة الاولى لمدونتى المتواضعة وياريت تتكرر
الاقتراحات اللى حضرتك قولتها جامدة جدا وهو ده اللى بنحاول نعمله وربنا يقدرنا عليه واللى عرفته كمان على حكاية المقاطعة دى انها جهاد للنفس
لانها كلها حاجات بنستخدمها لاوكمان بنحب ناكلها وكده فاكيد هناخد عليها ثواب
وربنا الكريم
القادر المنتقم قادر يزلزل الارض من تحت اقدامهم

دمت ف رعاية الله وحفظه

بيطرية ومش بايدى يقول...

يوسف
يامراحب بجو ماهو انا كتبت البوست ده عشان كده واكيد ربنا هيقدرنا ويعينا على همومنا
وعلى الدعاء ليهم ومشاركتنا ليهم ف حزنهم
يارب يفك عنك اى كرب او هم ويسعدك دنيا واخرة
واعذرنى لانى مقصرة بس مش بايدى يا اخويا والله
العيال مجننى.فوتك بعافية بقى

بيطرية ومش بايدى يقول...

زهور الامل
ياااااااااااااااااااااااااااارب
اللهم آآآآآآآآآمين
يارب يستجيب لك دعواتك يارب
ويقدرنا على فعل اى خير ف الوجود
ويارب فلسطين تتحرر بقى زهقنا
نفسنا نفرح بجد ونبقى امة واحدة
نورتينى ياقمر
وبعتذرلك انتى كمان
عشان تقصيرى بس غصب عنى والله

بيطرية ومش بايدى يقول...

طوبة دهب وطوبة الماس
حبيبتى ربنا يحفظك ويكرمك انتى كمان
واكيد بمجرد الدعاء بس اكيد ربنا هيفك اسرهم ويخلصنا من القرود دول

بيطرية ومش بايدى يقول...

بنوتة
لا سلام ولا كلام
ده انت هتضربى ضرب بس اما اشوفك
ده كله فين يا بايخة تصدقى بالله
انا قولت خلاص كده مفيش بنوتة تانى
عايزاكى تعملى ايميل جديد وتديهولى
ضرورى جدا
او كلمينى على النوبايل
ضرورى هه اوعى تغيبى تانى يامجرمة

وجشتينى موووووووووووووووووووووووووووووووووووووووووووووووووت
يخرب بيت عقلك

غير معرف يقول...

جزاكم الله خيرا على تعليقك
باذن الله هاناخذ ثواب عن المقاطعه
انتى تعرفى ان المقاطعه دي لها تاثير كبير جدا عليهم
يعنى مثلا طبعا موضوع مقاطعه المنتجات الدانماركيه اثر فيهم
كمان انا فاكر كويس لما كان كلينتون رئيس امريكا وحصل ان الحكومه الصينيه تعاملت بشكل مش كويس مع مظاهرات معارضين
راح كلينتون قال ان ده ضد حقوق الانسان والكلام زي كده
ردت الصين بسرعه ان ده يعتبر تدخل فى الشئون الداخليه وانها تهدد بمنع المنتجات الامريكيه من دخول الصين
قام كلينتون على طول سحب كلامه وقال ان ده شان داخلى للصين وملناش دعوه
الموضوع كله ماخدش 24 ساعه

انا طبعا مش مؤيد للتعامل الغلط مع المتظاهرين
لكن باخذ من الموقف تاثير المقاطعه او التهديد بيها

معلش وجعت دماغك
بس طبعا عارف انك فى سلك الدكاتره والاسبرين سهل تحصلى عليه
ده طبعا مش قر يعنى

بيطرية ومش بايدى يقول...

م/محمد فوزى
لالالالالالا وجعت دماغى ولا حاجة
ايوة انا ممكن احصل على الاسبرين
بس انا بتاعى من نوع خاص جدا غير متاح للبنى ادمين اصلا
:)))
بس والله كلامك صح
والله لو اتعاونا بشكل جامد هيفرق مع الكلاب دول واكيد اقتصادهم هينزل الارض بس لو اتعاونا والله هيغير مصير فلسطين كلها
يارب يجمع شمل المسلمين من تانى ويتوحدوا على الخير

والله منورنى دايما ومشرفنى وفايدنى بكلامك
ويارب يكون ف ميزان حسناتك يارب

طوبه فضه وطوبه دهب يقول...

بصى يا حبيبتى اى حاجه فى اولها اكيد بنعانى اننا مش قادرين نتعود او نتأقلم عليها حسنها غريبه ومتعبه عشان كدا هنصحك نصيحه ما تضحكيش عليها حاولى يكون ليكى اكبر عدد من الاصحاب لانك لما هتشوفى الناس كلها ذيك هتهون عليكى المشكله وهتعرفى ان الكل لسه تايه اعرفى ناس اكبر منك هيساعدوكى كتير وما تقلقيش انا قعدت الترم الاول كله لحد اسبوع قبل الامتحانات تايهه المهم ما تعيطيش وخليكى مع اصحابك خصوصا اصحاب السكاشن لانهم اكتر ناس هيتواجدوا معاكى الهستولوجى سهل اوى اتعودى ترسمى بالالوان الخشب اللى قالوا لك عليه المعيدين وارسمى مره واتنين وتلاته ومهما غلطى مايهمكيش حاولى وشوفى حد يكون بيرسم كويس وخدى كتابه وارسمى وامسحى لحد ما تتعلمى ان شاء الله وما تعيطيش ابدا واعرفى ان التوهان على الكل وبكره لما تتعودى هتلاقى الموضوع بسيط واعملى حسابك ان كل الدكاتره هتتكلم انجلش بس ما تخافيش شويه شويه هتتعودى وهتفهمى لدرجه انك مش هتفهمى العربى بعدها هتقولى للدكاتره ترجموا ان انجلش وما تتخضيش من الكم لان كل دا بيتلم فى الاخر خصوصا اول ترم ويارب اشوفك احسن دكتوره فى الدنيا ولو احتاجتى اى حاجه ان تحت امرك يا جميل

بيطرية ومش بايدى يقول...

طوبتى دهب والماس
حبيبتى تصدقى اول مرة تكتبى تعليق طويل يا حلاوة ياولاد
ربنا يطمنك ياجميل المشكلة انى حاسة ان كلهم فاهمين لانهم بيجاوبوا مع الدكاترة عارفة اما تحسى انك احمر من اللى بتعالجيهم ربنا يستر بقى
وهاحاول ف الهستولوجى واكيد نصايحاك هتيجى بفايدة
دعواتك يا جميل
فى رعاية الله

الفراشه الحائره يقول...

بجد اسلوبك حلو و موضوع احلى و مرسيه على كللللللللللللللللللللل تعليقاتك اللى نورتنى في المدونه

بيطرية ومش بايدى يقول...

الفراشة الحائرة
حبيبتى بتشكرنى على ايه
والله كلامك انتى اللى جميل اوى
واحساسك راقى بجد
عايزاكى تلفى ف مدونات كتير عشان تدخل تقرالك

وياريت زيارتك تتكرر
مودتى لك