السبت، 13 فبراير، 2010

توليفة خاصة جدا من البيطرية


السلام عليكم ورحمة الله وبركاته

عاملين ايه يا جماعة يارب تكونوا دايما بكل خير وسعادة وهنا يااارب

النهاردة جايبة ليكم توليفة كده شوية معلومات جمعتها من كذا مصدر وعجبتنى

ويارب تستفيدوا منها واى حد عايز يضيف حاجة او يعدل حاجة من اللى هاقولها

يتفضل على الرحب والسعة انا حابة اتأكد برده من معلوماتى

يلا نبدأ بسم الله

هل تعلم ان :-

ان التدخين يدخل لك 22 نوع من انواع السرطان

ان سرعة العقل 180 الف ميل فى الثانية الواحدة

ان تلد الهرة مرتين فى السنة وتضع فى كل مرة من 3 الى 5 صغار تغذيها على الحليب
ان تصل سرعة الحمار الوحشى الى 60 كم فى الساعة الواحدة
ان مرحلة الثيتا thetaهى مرحلة من مراحل العقل يكون الجسم فيها مسترخيا تماما ويرسل المخ ذبذبات 3الى 7دورات فى الثانية الواحدة
ان الدموع تحتوى على مواد كيميائية مسكنة للالم يفرزها المخ عند البكاء
ان اكبر عدد حروف لغة هى اللغة الكمبودية والتى يصل عدد حروفها الى 72 حرف
ان يمكن للحوت ان يبقى تحت الماء دون ان يتنفس لمدة ساعة كاملة
ان فى مصر الفرعونية كان الاسبوع يتألف من 10 ايام
ان اقوى عضلة فى جسم الانسان هى عضلة الفك
ان الحصان يموت عند قطع ذيله
ان الفرس تلد مهرا واحدا بعد حمل يدوم عاما كاملا وتغذيه بالرضاعة حتى يبلغ الشهر العاشر من عمره
ان الشهيد الاعرج الذى رأه النبى -صلى الله عليه وسلم-بعرجته فى الجنة هو عمرو بن الجموح
ان الشهيد الذى غسلته الملائكة عندما قتل فى غزوة احد هو حنظلة بن ابى عامر
ان سورة النمل هى السورة الوحيدة التى تحتوى على بسملتين
ان وزن وحيد القرن الذى يعيش فى النيبال الى 4 اطنان
ان النسور لاتموت ولكن تنتحر بسبب المرض
ان بسبب طول عنق الزرافة فهى لاتنام باليوم الواحد الا 9 دقائق وليست على دفعة واحدة
انما على ثلاث مراحل فى كل مرحلة 3 دقائق
واخيرا نصل اللى الختام
والسلام عليكم وتصبحوا على خيييييييييير

هناك 42 تعليقًا:

Baskouta يقول...

تحياتي على التوليفة الجميلة
حقيقي توليفة حلوة
Happy Valentine's day to you
Wish your days full of love and happiness
تحياتي البسكوتية الصباحية

طهر فؤادك يقول...

السلام عليكم ورحمة الله وبركاتة

ربنا يكرمك يارب والمسلمين على التوليفة الجميلة دى بس اية الحكاية يابيطرية المهنة بقى طغت شوية على كلامك يلا كلة خير .... ونصيحتى ايوة كدة حبى شغللك علشان تنجحى فية وربنا يكرمك يارب والمسلمين دايما باذن الله تعالى لانك ماشاء الله فيكى خير ..

a7med-Mado يقول...

حلوة التوليفة يادكتورة
Happy Valentine's day to you

شمس النهار يقول...

ماشاء الله
معلومات جميلة
فيها حاجات كتير اول مرة اعرفها
زي موضوع الزرافة ده

سبحان الله

سلامي

Pink Dreams يقول...

حلوه قوى المعلومات دى

تسلم ايدك يا قمرايه

beautiful mind يقول...

تسلم ايدك يادكتور
وبجد المعلومات دي قيمة جدا
انا عن نفسي استفدت اوي منها
تحياتي ليكي

بــــ الخطاب ــن يقول...

يعنى الزرافة بتنام 9 دقائق بس أمال بتعمل ايه بقيت اليوم ؟

تسلم ايديكى على المعلومات القيمة دى

Mano يقول...

بجد معلومات قيمة جدا
تسلم ايديك
تحياتي

adel يقول...

ميرسيخ علي المعلومات
في منها اول مرة اسمعه :)

غرلايب موضوع الزرافة
بس زي عضلات الفيل
الفيل عضلاته و عضمة ضعيفة
عشان كده ميقدرش ينام علي الارض
لانه مش هيعرف يقوم تاني
و مينفعش يقف في مكانه كتير
لازم يتحرك و يمشي علي قد مايقدر

شاب فقرى يقول...

إيه الحلاوة دى
تعرفى بقى ان مفيش غير فقرى واحد بس فى الدنيا
تعرفى بقى ان الشمس بتطلع من الشرق؟
تعرفى انها بتغرب فى الغرب ؟
تعرفى ان القمر بيكون فى تمامه يوم 14 من الشهر الهجرى
تعرفى إن الأمل هوا أكتر المشاعر الإنسانية تهور وجنون وهوا فى نفس الوقت أكتر المشاعر اللى بتولد لنا الطاقة الرهيبة اللى بنشتغل بيها
تعرفى ان الحب هوا أقسى عذاب للانسان لنفسه
؟
تعرفى إن الإحساس هوا إشارات عصبية بين المخ وبقيت الجسم
كهربا بمعنى أصح زى ما انا فاهم؟
تعرفى إن عقل الإنسان يقدر يفكر ويبتكر أحسن من أى حاجة تانية خلقها ربنا
تعرفى إن العقل الإنسانى هوا بالنسبة لى أعظم ما خلق الله وأكثر ما أبدع الله فى خلقه فى الحياة ؟
بس كدا
فكرى فى كل واحدة من دول
تأملى شوية
هتلاقى إن كل حاجة تحتوى على إعجاز أقوى من المذكور
يارب تكونى بخير وتفضلى كدا دايما :)
فقررررررررررى

رفيدة يقول...

ايه المعلومات الحلوة دي .. لا بيطرية بيطريه يعني :)))
هل تعلمي ان حاسة الشم في التعبان تكون علي سطح لسانه

ريمان يقول...

السلام عليكم


وحشانا وحشانا وحشاااااااناااااااا

عامله ايه طمنينى عليكى؟

انا بخير الحمد لله يا قمر
بجد بجد احلى توليفه

سبحان الله بجد

ما شاء الله

شكرا للمعلومات الجميله دى

ENG./ELSAYED,PMP يقول...

ممكن سعال واحد بس ... بالنوسبة للسؤال بتاع العقل ... ممكن تعقيم سيادتك على موضوع السرعة ... يعنى دى سرعة العقل ازاى يعنى ... مش فاهم

Mo7ammed يقول...

ان بسبب طول عنق الزرافة فهى لاتنام باليوم الواحد الا 9 دقائق وليست على دفعة واحدة

ياخراااااااابى

هههههههه

قلم رصاص يقول...

وعليكم السلام ورحمة الله وبركاته

احييكي يادكتوره على المعلومات القيمة دي

لكن انا ذهلت من معلومة سرعة العقل .. طب انا هفترض انها حقيقيه .. السؤال بقىىىىىىىىى :

هي السرعه دي اتقاست بإيه وازاي .. او بمعنى اخر .. ايه هي وحدة قياس سرعة العقل ؟!!!!!!!!!!!!!!

بقيت المعلومات معنديش عنها فكره الااااااااااااا معلومه واحدة متأكد منها ووردت عندك على سبيل الخطا فأنا مضطر أصححها ، وهي :

"ان اقوى عضلة فى جسم الانسان هى عضلة الفك"

الصح :

"ان اقوى عضلة فى جسم الانسان هى عضلة القلب "

ودا منطقي جداااا لان القلب هو العضو المسؤول عن ضخ الدم لكل أجزاء الجسم وبالتالي فيلزمه ماكينه ضخ قوية وهي عضلة القلب ..

والله اعلى واعلم

تقبلي مروري وتحيتي

7annen يقول...

تحياتى ياقمر حلوة اووووووى
تسلم ايدك

star in the sky يقول...

ازييييييييييك ؟؟؟؟؟؟؟

اخبارك ايه يارب تكونى بخير وزى الفل

هابى فلانيتن

بوست حلو اووى فى معلومات جديدة مكنتش اعرفها

بيطرية ومش بايدى يقول...

بسكوتة
بيتهيألى اول زيارة ليك هنا
نورتى يا مسكر
اه انا ممكن اقبل بالسكويت ده فى حالة انك ماجبتيش كيس هريدى
سماح المرة دى هنخليكى تعدى بس المرة اللى جاية لازمن هريدى انا جولت اهو
نورتينى يا قمر

بيطرية ومش بايدى يقول...

طهر فؤادك
وعليكم السلام والرحمة والبركات
اللهم آآآمين واياك
سبحان الله هى جت معايا بالصدفة قولت هاحاول ادخل فيها معلومات دينية معلومات عامة مانفعش برده البيطرى بهت عليها
الله يكرمك يارب ويعزك ويجازيك كل خير

بيطرية ومش بايدى يقول...

a7med mado
الحمد لله انها عجبتك
دى توليفة بشكل تالت بقى صح:)))
شرفتنى يافندم

بيطرية ومش بايدى يقول...

شمس النهار
انا برده اما قريت الحكاية دى استغربت بس قولت مفيش حاجة كتيرة على ربنا فعلا سبحان الخلاق العظيم
نورتينى يا فندم
ودايما المدونة منورة بتعليقاتك

سلامى لك ايضا

بيطرية ومش بايدى يقول...

pink dreams
الله يكرمك يا حبيبتى
دايما منورانى

بيطرية ومش بايدى يقول...

beautiful mind
كابتن هيما بقالك زمان مشرفتنيش هنا
نورت وربنا
الحمد لله انها عجبتك

شرفتينى يا فندم

بيطرية ومش بايدى يقول...

بن الخطاب
اه شوفت 9 ساعات وامال البنى أدمين اللى بيناموا 9 ساعات
والله المعلومة دى انا قريتها كده بس هاتاكد لك منها تانى
وبيتهيألى ان الزرافة بتقعد تعلب من العصافير طول النهار على اساس دى الحاجة الطويلة اللى بتوصلها بعد الاشجار

تحياتى

بيطرية ومش بايدى يقول...

mano
ربنا يخليك
والحمد لله انها عجبتك
برده حضرتك اول زيارة صح
نورت يافندم
تحياتى لك ايضا

بيطرية ومش بايدى يقول...

عدووووولة
والله انت لو ماكنتش جيت علقت انا كان زمانى روحتلك وطلبت تعليقك اصلا
يعنى ينفع يكون معانا على البلوجر مكتبة متنقلة ومااخدش رايها دى تبقى هزلت
والله ليك وحشة ياراجل
بلغ سلامى لماما فاتيما وقولها انها وحشانى جدا روحت لها فى البوست اللى فات لاقيتها قافلة التعليقات
مش عارفة انا ايه حكاية قفل التعليقات دى

والله المدونة مالها طعم من غيرك ياباشا
نورتنى

بيطرية ومش بايدى يقول...

شاب فقرى
حلاوة طحينية ولا ايه
الله المعلومات اللى انت قولتها جميلة
تصدق والله احلى من بتاعتى
بغض البصر عن حكاية ان فى فقرى واحد بس معلوماتك خاطئة يافندم
بجد زى ماانت قولت هى شكلها معروفة ومعلومات عادية لكنها بتحمل معانى كتير وجميلة
احيييك يا كوكى يااللى كل الناس بيحبوكى

يااااااااااارب تكون انت دايما بافضل حال ويفك اى ضيق عنك ويجعل ايامك كلها سعادة وخير ومفهياش ولا نقطة فقر خالص

دمت بكل خير

بيطرية ومش بايدى يقول...

رفيدة
حبيبة قلبى
وشريكتى الوحيدة فى هذا الكار ابن اللذيكا
امممممممم عشان كده بقى على طول مطلع لسانه بره
وانت بفتكره قليل الادب وبيطلع لى لسانه
طلعت ظلماه

منورة يا قمر

بيطرية ومش بايدى يقول...

ريمان
والله والله وحشانى جدا جداجدا جدا من هنا لبكرة الصبح
بس انتى عارفة والله لسه مظبطة الريدر قريب والدنيا ملخبطة ومش مركزة فى حاجة ومش عارفة مين اللى اتحط ومين اللى مااتحطش اعذرينى والله

الحمد لله انها عجبتك ويارب دايما اعرف ابسطكم وتفتكرونى دايما بكل خييير

تحياتى وسلامى لك

بيطرية ومش بايدى يقول...

ENG/ELSAYED/PMP
ايه ياعم غرفة العمليات اللى انت فتحتها دى ده انت شكل البرد عامل معاك شغل جامد اخر حاجة

والله هى المعلومة دى قريتها فى كتاب ابراهيم الفقى
ولقيتها مكتوبة كده
انظر لقدرات العقل وسرعته وستعرف مدى الاعجاز عندما تعلم ان سرعة العقل 180 الف ميل فى الثانية
هو اللى انا فهمته ان سرعة العقل فى التفكير وادراك الحاجات اللى حواليه
وممكن بده اسألك فيها تانى مش موشكل
وهابلغك اكيد

بيطرية ومش بايدى يقول...

MO7MMED
ههههههه
انا عملت زيك كده واكتر والله
بس سبحان الخلاق ليس كمثله شيئ

نورتنى يا فندم

بيطرية ومش بايدى يقول...

قلم رصاص
الاول معاك كيس هريدى ولا ايه
بص يابونى هو انا قريتها فى كتاب للابراهيم الفقى كان بيقول كده بالظبط
انظر لقدرات العقل وسرعته وستعرف مدى الاعجاز عندما تعلم ان سرعة العقل 180 الف ميل فى الثانية
هو اللى انا فهمته ان سرعة العقل فى التفكير وادراك الحاجات اللى حواليه
ماهو قال وحدة القياس ميل على الثانية
وهاسأل فيها تانى ولا يهمك
اما بالنسبة لاقوى عضلة هو انا كنت واخدها فى الاحياء انها فعلا القلب لانها بينبض مابين 70-80 نبضة فى الدقيقة الواحدة للشاب المعافى السليم
بس قريتها مرة ان العضلة اللى مابين الفكين اللى هى اللسان لانها ماتتوقفش
وكتبتها عشان اشوف برده رايكم ايه وهل المعلومة دى صح ولا لأ
تشكرات افندم على افادتك لنا والبوست اللى جاى هانوه عنها واصححها

اتقبل مرورك ده ايه ياباشا المدون مدونتك
تحياتى وسلامى لك ايضا

بيطرية ومش بايدى يقول...

حنوووون
تحياتى ليك ياسكر ونورتى المدونة
ويارب تكونى نمتى كويس وارتحتى

بيطرية ومش بايدى يقول...

STAR IN THE SKY
انا تمام الحمد لله
انتى ايه اخبارك
يارب تكونى دايما بخير
كويس ان البوست عجبك
نورتينى ياقمراية

العيسوى الصغير يقول...

لا فعلا توليفة
معلوماتية

اللى موش عارف يتغير يقول...

موش بقولك البيطريين دماغهم عالية
انا عارفكم وحافظكم
انا ليه حوالى 5 اصدقاء ومنهم اللى زى اخواتى بيطريين
دول دماغ تانيه خالص

عايش... ولكن !!!! يقول...

اول زياره للدكتوره ... بيطرى الزقازيق؟؟؟
انا هندسة مدنى الزقازيق
بس صدمتينى على فكره وانا اول مره جاى ادخل هنا لسه بحط السيجاره على فمى لقيت اول كلمه السجاير ... بتسديها فى وشى ليه :) .. ربنا يرحمنا منها

عموما توليفتك جميله
وهابى فلانتين داى

3mr wa2el يقول...

حلوة كتيييييييييير

بيطرية ومش بايدى يقول...

العيسوى الصغير
الحمد لله انها عجبتك
اى خودعة
نورتنى يافندم

بيطرية ومش بايدى يقول...

اللى موش عارف يتغير
اااه كلامك قالقنى يا باشا
ربناا يستر ويكون خييير
على الله تكون الدماغ دى دماغ بنى ادمين مش حاجة تانية

بيطرية ومش بايدى يقول...

عايش ولكن
يااهلا يااهلا باهل الزقازيق كلهم
اكيد منور البلوجر كله
وياترى بقى اما قريت المعلومة ولعت السيجارة برده ولا رميتها
ياباشمهندس والله السجاير دى ابشع حاجة فى العالم تخيل نفسك انك بتقتل نفسك فى كل نفس بتاخده
ده الواحد بيحارب عشان يتنفس هوا نظيف
وانت كل هواك كده
لازم تتخذ قرار بالامتناع عنها
وارفع شعار
حياة بلا تدخين
هتلاقى حياتك احلى بكتير
انا عارفة ان ممكن يكون دمى تقيل فى اول تعليق ليك فى اول زيارة ليا

واكيد احتمال تحرم تيجى هنا اصلا
بس والله انا ماقولتش الكلام ده اللى من خوفى وقلقى على باشمهندس زى حضرتك ممكن يكون من عظماء المجتمع ليه بقى بتهدم نفسك بنفسك

ربنا معاك ويعينك عليها وانا متاكده ان حضرتك فى اقرب فرصة هتيجى وتبشرنى انك اقلعت عنها نهائيا

a7med-Mado يقول...

جامدة التوليفة يادوك
معلومات جامدة بجد
تسلم إيدك