الجمعة، 13 يوليو 2012

صديقى عم محمد :)


حكاية عم محمد :)


حكاية من نسج الواقع

==


عم محمد شخص غلبان بيشتغل باليومية


او بالمسمى الفلاحى بتاعنا "ارزاقى "


يعنى اليوم بيومه بيشتغل اى حاجة وبياخد اللى فيه النصيب

يوم يمسح سلم.. يوم ينظف عربية.. يوم يشتغل مع العمال فى 



بناء بيت وهكذا

وكتير بيساعد فى اى تنظيف يتم للمسجد اللى فى شارعنا

عم محمد سِنه كبير وبيعول من الابناء اربعة

كل يوم بيجى يشتغل فيه لازم يخبط على صاحب المسجد

وينزل له السبًت ويحط له فيه 2 جنيه

ويقوله حطهم فى صندوق الجامع

ايه دول يا عم محمد ؟! يقوله ده رزق الجامع يا عم الحاج

حق ربنا عليا

==
يمكن يكون قليلين ال2 جنيه بس عند ربنا حاجة كبيرة اوى

عم محمد خصص جزء من "مرتبه " وقال ده لله

عمل بالآية " خذ من اموالهم صدقة تطهرهم وتزكيهم "

عمل بيها ومؤمن بالآية "وما تنفقوا من خيرٍ يُوفً إليكم وانتم لا 



تُظلمون "

:)

تعرف تعمل زى عم محمد؟! :)

هناك 4 تعليقات:

Unknown يقول...

لا معرفش
الصراحة حلوة

بيطرية ومش بايدى يقول...

وماله يافندم
نحاول
نورت يافندم

الازهرى يقول...

نحاول طبعا

وعلى الله التيسير

تحياتى للموضوع الأكثر من رائع

بيطرية ومش بايدى يقول...

ابو الازاهير
ماترفعش حاجب كده اه ابو الازاهير
ده على غرار ابو الاداهيم :D
الهى ييسر لك كل عسير
ويفتحها ف وشك
روح يا بنى وكيبوردى راضى عنك
^_^