الجمعة، 4 سبتمبر 2009

قررت ان اتنحى نهائيا

اولا السلام عليكم ورحمة الله تعالى وبركاته
ثانيا انا قولت لحضراتكم كل سنة وانتم طيبين
نقول تانى رمضان كرييييييييم وعساكم من
عواده وبلغنا واياكم ليلة القدر على خير يارب
بسرعة كده وبدون مقدمات انا هاقولكم على حاجة وعايزاكم
تشجعونى عليها
قررت ان اتنحى نهائيا عن التدوين وان اعود الى صفوف
الجماهير المصرية العريضة امارس دورى فى مطبخى
كأى مواطن عادى
هو فى سببين لانتهاء خدمتى فى عالم التدوين
والسبب الرئيسى ممكن توضحه لينا الصورة اللى قدامكم
دى تمعنوا فيها بشدة
شايفين قد ايه الحب والحنان
شايفين قد ايه الالفة
انا قولت اتفرغ للحلوين هناء وشيرين ولازم التفرغ
ده يكون من النهاردة يعنى عشان لا يشغلنى عنهم
شاغل ودول اللى هينفعونى فى المستقبل مش كده
ولا ايه؟؟؟؟؟؟
اما الصورة دى بقى فلاقيتها معبرة عن اللى جوايا تجهاكم
فى الفترة القصيرة اللى قضيتها معاكم حسيت ان الدنيا
لسه بخير ولسه فيك بشر يا مصريحبوا من غير مقابل
ويتحبوا طبعا نتقابل بقى بعد الصورة
اوعوا تروحوا فى اى مكان.........


اهلا وحشتونى قولوا بقى امين للدعاء اللى فوق ده
انا قابلت ناس عبر التدوين ملاقيتش
زيها فى حياتى العادية ناس ذوق ومحترمة
ومثقفة وفوق كل ده طبعا دينها وربها
هو اول شئ عندها
مش هلاقى كلام غير
جزاكم الله خيرا
وعشان احنا فى عالم مفتوح واحنا مثقفين
شكرا بالانجليزى يعنى




بجد اتعرفت على اصدقاء جدد اصدقاء بكل ما تحتويه الكلمة من معان
يعجز الكيبورد عن شكرهم لذلك تركت ليهم هذة الرسالة



قبل الوداع يا احباب جه النسيم على بابى ودق الباب
قالى لازم يبقى ختامه مسك
اسيبك مع هذى الانشودة الرائعة
لعل كل واحد منا يتمنى ان تتحقق كل كلمة من كلماتها
استودكم الله الذى لا تضيع ودائعه
اوعوا تنسونى وابقوا ادعولى ان ربنا يوفقنى ويهدينى الى
مايراه هو خير
اللهم آآآآآآآآآآآآآمين







هناك 17 تعليقًا:

بيطرية ومش بايدى يقول...

معلش ممكن اقول حاجة كمان قبل ما امشى
النهاردة الجمعة
اوعى حد ينسى يا شباب قراءة سورة الكهف ضرورى واكيد الصلاة على سيدنا وحبيبنا محمد عليه افضل الصلاة واتم التسليم اوعى حد ينسى يا شباب
افتكرونى بالخير
تصبحوا على خيررررررررر

د/ أحمد لاشين يقول...

احجز اول تعليق اولا
اقرأ وارجع تاني بس زعلان من العنوان

د/ أحمد لاشين يقول...

اولا وعليكم السلام ورحمة الله وبركاته
ثانيا وكل عام وانت الي الله اقرب وعلي طاعته ادوم
ورمضان كريم
ويااارب يبلغنا جميعا ليلة القدر ويوفقنا لطاعته فيها ويقبلنا ويعفو عنا يارب

لن نشجعك ابدا علي هذا القرار
فأنت كمدونة بالفعل وسط الجماهير المصرية العريضة
وموضوع المطبخ ليست له علاقة بالتنحي عن التدوين
ياحبذا لو تعرفينا وتعلمينا الطبخ كمان في التدوينات
ايه المانع ؟؟؟
والا عايزة تعملي زي ناصر تعلني التنحي وتنزل الجماهير للشارع تطالبك بالرجوع وكده
بس عبدالناصر كان انهزم في 67 حضرتك هتتنحي ليه ؟؟؟
التدوين لا يأخذ وقتا كثيرا
ممكن كل يوم نصف ساعة او ساعة
وممكن كل يوميين او حتي كل اسبوع افضل من التنحي تماما
الا اذا كان المدونين ضايقوكي لدرجة انك هتسيبيلهم التدوين وترحلي
ولو حدث بالفعل وضايقوكي فلا تكوني سلبية وتتركي فضاء النت
بل ساعديهم وغيري فيهم
اعتقد ان المدة غير كافية للحكم علي التدوين والمدونين بسرعة كده
"قبل الوداع"
يعني حضرتك قررتي ومع سبق الاصرار والترصد
بس ياريت تتراجعي عن القرار
الانسان ربنا خلقه ليغير في الاخرين ويتغير
يكتب موضوع يفيد به غيره
ينقل حاجة جميلة من عند حد
يتحدث عن قيمة عليا ويساعد الاخرين علي تبنيها
يكتب موقف يحب ان يغيره عند الاخرين بعد ان مر امامه
يذكر اصدقاءه بالله
يعبر عن شئ بداخله
يذيع خبر مهم
حاجات كتيييييييير جدا
التدوين عالم جميل
اجعي ارجعي ارجعي
وتراجعي ثم تراجعي ثم تراجعي

حفيدة عرابى يقول...

كلمينى ضرورى

Unknown يقول...

السلام عليكم ورحمة
الله تعالى وبركاته
اللى فيه مصلحتك
اعمليه بس عمر التدوين
والنت ما حيعطلوكى عن
المذاكرة(بلاش حجج)واوعى
تزعلى منى :)ذاكرى ودونى
وما تخلى حاجة تاخد وقت
حاجة نظمى وقتك وحتلاقيكى
ناجحة فى كل ميدان.

adel يقول...

السلام ايه بس و شالوم ايه ؟؟
قرار التنحي ده ياعم ناصر جه علي انهي اساس
دي حاجة

متقوليش التدوين هيعطل لان ده مش صحيح
اعتقد في اسباب اخري و مهما كانت الاسباب و عن تجربة شخصية جدا متسبيش التدوين لانك هترجعيه وده اكيد
اعتقد القرار ده عاوز تفكير و تروي و برضه كل ده تجربة شخصية
عيدي تفكير عشان مش سهل تختفب كده

وقرار قفل المدونة او الابتعاد ده في ناس كتير قوي عملته و صدقيني ممكن تساليهم و كلهم اكتشفوا غلطهم

لا تـــشـــتــــاق يقول...

كده والله انا زحلان
موضوع المداونات مش هياخد منك وقت وانتى تقدري تظبطى وقتك ومتحرميناش منك
كل سنه وانتى طيبه

Maryama Qandil يقول...

الي جذبني للمدونة الاسم نفسه
بيطرية ومش بايدي,,,
وفوجئت بالتدوينة العظيمة الي منزلااااااها دي
كلام ايه الي مكتووب ده,,,
با بنوتة التدوين ميزة ,,, اكتسبتيها هتتميزي فكريا عمليا اسلوب وخلافه من الوصف بقى,,,:)
بس تقرري انك تسيبيه,,, محتااج مراجعة شوية

ده حتى بيطري مكتسحين التدوين
وكلنا جيراان
رااجعى قرارك تااني وفعلا مش هتندمي ابداً ابداً ابداً انك تكملي فيه,,,
ولو انتي بيطري القاهرة ومحتااجة اي مساعدة طبعا موجودة وتحت الخدمة في اي وقت,,,:) وبرده لو مش القاهرة ممكن افيدك في الموااد عامة,,,:)

منتظرة بوستك القادم الي هيكون في قرار بعد مراجعة الاحوال باستمرارك في التدوين

دمتي بخير,,,:)
وكل سنة وانتي طيوبة يا بنوتة

مهندس مصري بيحب مصر يقول...

هو انتي لحقتي تدوني لما تعتزلي ؟

مهندس مصري بيحب مصر يقول...

هو انتي لحقتي تدوني لما تعتزلي ؟

بيطرية ومش بايدى يقول...

يا جماعة نقطة نظام
براحة عليا شوية
كان نفسى ارد عليكم واحد واحد بس ما باليد حيلة معلش هاقولكم بعدين
المهم بكلامهم الرائع ده خلتونى اغير رائى 180درجة بس مش 360انا ممكن اتنحى مؤقتا وليس نهائيا على الاقل لحد شهر رمضان ما يعدى على خير
هتوحشنى تعليقاتكم وكلامهم الجميل لحد ما ارجع واسفة على الازعاج بس انا هارجع تانى ومش هاقفل المدونة عشان خاطركم انتم انا عارفة انكم ماتقدروش تعيشوا من غيرى صح ولا ايه حد عنده رايى تانى(ههههههههههه)

------ يقول...

ايده

انت هتعملى زى عبد الناصر ولا ايه

انت بجد هتسيبى التدوين

لا تصدقى بأيه
انا كنت فكراكى بتهزرى

ومع انى معرفكيش كويس لكن اول ماحسيت انك هتسيبى التدوين

والله عنيا دمعت
يابنتى احنا خلاص حبناكى وحبانا مدونتك اوعى تعمليها

وصدقينى مش هتندمى
التدوين حلو وبيطلع اللى جواكى

وبتتعرفى على ناس كتير وبتتعلمى اكتر

نظمى وقتك وانت ترتاحى
واوعى اوعى اسمع حكاية التنحى دى ابدا

تحياتى لكى

------ يقول...

ايوة كدا

تراجعى 450 كمان مش 360

ياستى ان كان على رمضان وشايفة انك هتقصرى فى حق نفسك خلاص تنحى رمضان بس

عايزين يوم الوقفة كدا بوست يقول

ياليلة العيد انستينا

هههههههه

دمتى حبيبتى

د/ أحمد لاشين يقول...

طيب تغيير 180 درجة ده هو المطلوب
لأن لو انا متحرك لليمين وغيرت 180 درجة يبي هأتحرك شمال
كده طبعا حضرتك غيرتي رأيك تماما
واتجهتي للعكس
يعني مش هتسيبي مدونتك اطلاقا
ايوة كده
ربنا يكرمك يا دكتورة
نطمع في تواجدك معنا باقي رمضان ايضا ولا تتركي مدونتك وزوارك

بيطرية ومش بايدى يقول...

د/احمد لاشين
اولا وعليكم السلام ورحمة الله وبركاته
ثانيا اللهم آمين احنا واياكم ان شاء الله
والله يعلم انى مقدرش اتخلى عن زوار المدونة اساسا بس انا حصلت عندى شوية لخبطة فقولت انا هاسيب موضوع النت كله من اساسه
لحد ما ارتب مواعيدى زى ما الامورة دموع القمر قالتلى وانا ماشية فى الاجراءات وهانت قربت اخلص وارجع تانى بس عشان ابقى معاكم انا اساسا بستغلس يومى اما ماازورش المدونة واعلق فيها
بس للضرورة احكام
منورنى دائما وابدا

كلمة صدق يقول...

جميل جداالانسان يلاقى شئ يتكلم فية عن اللبداخلة دون ازعاج من احد فحاولى ان توفقى بين هذا وذاك وهؤلاءحتى تخرجى كل مابداخلك من طاقة ودمتم

بيطرية ومش بايدى يقول...

كلمة صدق
حااااااااضر
شكرا على النصيحة وفرحانة اوى انك بتلف ف المدونة
يارب تعجبك
دمت ف حفظ الله