الأحد، 27 ديسمبر 2009

سريعا وفى عجالة

سريعا كده وفى عجالة وبدون اى صور او اى مقدمات
اولا كده السلام عليكم ورحمة الله وبركاته
ثانيا كل عام وانتم بالف خير
ثالثا لازم ننفذ قول الله فى كتابه العزيز( وتعاونوا على البر والتقوى)صدق الله العظيم
وزى ماتعاونا فى الحملة القديمة بتاعة مستشفى السرطان
عايزين نتعاون فى حملة دار الاورمان ان شاء الله
وللتفاصيل لازم نزور مدونة اخونا الفاضل طهر فؤادكhttp://rasoulallah1.blogspot.com/


رابعا فى موقع جميل جدا لنصرة الحبيب صلى الله عليه وسلم
بابا اكتشفه وهو بيقرا جرنال وكان عايز ينشر الموقع بس معرفش ازاى
فانا قولت بما ان المدونة هى طريقى الوحيد الفعال فقولت انشره
انا حاسة ان كتير منكم يعرفه قبل منى يارب تكونوا كده
واداى اللينكhttp://www.rasoulallah.net/index.asp


خامسا حبيبتنا ونور عيونا كلنا ايثار جمال ومدونتها باربى عايزين برده نعمل للبنية
جو كده ونخلى زوارها ناس كتير عشان هى لسه طفلة واكيد الحاجات دى بتفرق معاها
واكيد بتفرق معانا كلنا
واداى اللينك بتاع السكرةhttp://barbie-girle.blogspot.com/



واخيرا بشكر كل من سأل عليا
وبقولهم محدش يزعل منى على الاقل ف الوقت الحالى انا خلاص امتحاناتى على الابواب
يمكن مارجعش تانى ادعوووووووووووووولى الله يخليكم
ومايوقعكم ف ضيقة ومايحوجكم لحد
دعواية تمنع بلواية وهنيالك يا فاعل الخير والثواب

جزاكم الله كل خير

هناك 33 تعليقًا:

قلم رصاص يقول...

وعليكم السلام ورحمة الله وبركاته

جزاكم الله خيرا يادكتوره على هذه المشاركات الخيرية اللي اكيد لوجه الله

بخصوص موقع رسول الله عليه الصلاة والسلام اه انا فعلا عارفه من فترة ومن نفسي حاطط له بانر اعلاني عندي في السايد بار في مدونتي..اظن دي افضل طريقة للنشر عشان السايد بار موجود دايما ..ممكن تعملي كده انتي كمان

وربنا يوفقك في الامتحانات وترجعي لمدونتك بالسلامة

في حفظ الله

blue-wave يقول...

ربنا معاكى فى امتحاناتك
وجزاكى الله خيرا

غير معرف يقول...

السلام عليكم
ربنا يكون فى عونك يادكتوره
فاكر انا جو الامتحانات دي
هم بيقولوا عند الامتحان يكرم المرء او يهان
لكن بصراحه (او يهان) دي كانت بتحصل كتير
هههههههههههههه

ربنا يوفقك ويسهل لك الامتحانات وتاخدى اعلى الدرجات
وتبقى تطمنينا

جزاكم الله خيرا على موضوع الحمله وكمان الموقع الجميل
ربنا يكرمك ويوفقك

وكمان مدونه باربي
رغم ان الاسم نفسه بيغيظني
لان اصلا دى عروسه امريكيه
هههههههههههههههههه
بس هى مدونه شكلها جميل مبدايا
انا لسه مقرتش كتير فيها
ربنا يكرمك ويسعدك ويوفقك

بلال عادل رجب. يقول...

السلام عليكم ياااااااااه من زمان مش بدخل على مدونتك حتى انا قلت اظاهر مش بتكتب ولكن الحمد لله دخلت وتوصلت اليك واتلخبط من مدونتك ومدونة اخرى لان الاتنين مدونات دكاترة بيطرين
----------
وشكر اليك وجزاك لله خير الروابط الشيقة

اللى موش عارف يتغير يقول...

جزاك الله كل خير
الفيتيرنارى
صح كده

شاب فقرى يقول...

شكرا عالمواقع والنصيحة واللينكات :)

بقالى مدة مجيتش هنا لانى مش بلاقى حاجة خالص فى الريدر

بس هدعى لك بالتوفيق فى الامتحانات وربنا معاكى

وان شاء الله امتياز من اول سنة

خالص التحية والاحترام
واحلى مسا عالشرقية كلها
شاب فقرى

ريمان يقول...

وحشيتينا اووووووووى


كويس اننا اطمنا عليكى

شكرا على البوست يا قمر

خلى بالك من نفسك ومن المذاكره ربنا ينجحك يا رب

د/ أحمد لاشين يقول...

ماشي يا افندم
بس شدي حيلك فالمذاكرة
وطبعا لازم ترجعي تاني

الازهرى يقول...

كويس انى موجود علشان اقول سلامتك
وطبع انا لو أسأل فى الفترة الماضية لاننى كنت متغيبا
فعذرا لى
جزاك الله خيرا على الافادة الجميلة
وبالمناسبة انا اول مرة اعرف الموقع

تحياتى دوما ودعائى بالرجوع

غير معرف يقول...

ربنا معاكى يادكتوره ياجميله
وجزاكم الله خيرا كثيرا على الحاجت الجميله ربنا يعزك

على فكره انا دعيتلك هناك كتييييييييييييييييييييير علشان الامتحانات باذن الله خير

جيجي والعالم

(حلـم) يقول...

الدكتورة الرائعة

كل الخير والتوفيق اتمناة لكي للامام

حـــــروف متــبعترة " عــمرو الشــايب يقول...

ترجعي بالسلامة ان شاء الله
ربنا معاكي

طوبه فضه وطوبه دهب يقول...

ربنا يكرمك يارب ويوفقك وحشانى كتير وعذراكى لحد بس ما تعدى امتحاناتك على خير كل سنه وانتى بالف خير وصحه وسعاده ياقمر

ليس فقيرا من يحب يقول...

ربنا يسعدك ويكرمك

ويجازيكى خير يارب

ويوفقك فى دراستك

شد حيلك يا جميل خلاص الامتحانات على الابواب

ربنا يعينك ويوفقك

كل سنه وانتى طيبه يارب

شاب فقرى يقول...

جارى الدعاء بمناسبة الامتحانات

عيد ميلادى كمان كام يوم

فى يوم 24

نذكركم بموعد الهدية :)

فقرررررررررررى

طهر فؤادك يقول...

السلام عليكم ورحمة الله وبركاااتة

ربنا يكرمك يارب والمسلمين وتسلمى وكل من شارك وتعاون فى الحملة

- وربنا يوفقك يارب فى الامتحانات وربنا يكرم المسلمين جميعااا اللهم امين

- وربنا يتقبل منكم جميعاااا صالح الاعمال والبنرات جميلة وجزاكى الله خير عليها ومنورة المدونة وتسلمى على الدعاء وبارك الله فيكى

z!zOoOo يقول...

السلام عليكم

يارب تكوني بخير

كل سنه وانتي طيبه

جزاكي الله خيرا واعانكي واعان الجميع علي فعل الخير

وعذرا للتقصير

تحياتي

TWEETY يقول...

ايدا ياابلة

ازيك انا متشكرة خالص على اللى انت كاتباه عنى دا

وربنا معاكى ويوفقك

بيطرية ومش بايدى يقول...

نفسى ارد عليكم بس مقتولة من التعب جايلى دور برد بعيد عنكم هيموتنى
لا ومش راضى يجيلى البرد غير قبل الامتحانات باسبوع ربنا يستر دعواتكم معانا

اه وعايزاكم تدخلو على اللينك ده دى مدونة جديدة بس شكلها هتبقى مدونة تحفة
http://halapoet.blogspot.com/

Pink Dreams يقول...

ازيك يا قمرايه

وحشانى مووووووووووووووت

انا قلت اول ما ارجع لازم ادخل واسلم عليكى

ربنا يوفقك فى امتحاناتك يا رب


والف الف سلامه عليكى

اموووووووووووووواه

شاب فقرى يقول...

انا زعلان جداااااااااااااا
جدااااااااااااااااااااااااا
جدااااااااااااااااااااااااااااا
جداااااااااااااااااااااااااااا
بلغنى ان فى ناس بتبعت معاكى السلامات وانتى بتنفضى ومش بتقولى سلام وازيك يا فقرى

الصراحة زعلت

بس نرجع ونقول المسامح كريم وشدى حيلك فى الامتحانات

وان شاء الله تتفوقى الترم دا وتحبى الكلية جدا جدا جدا جدا :)

ويبقى بيطرية بكيفى وعلى مزاجى :)

تحياتى يا بيطرية :)

شاب فقررررررررى
اوعى تنسى الهدية يوم 24-1

الازهرى يقول...

انا قلت اسلم
وبلاش اتكلم عن انتظارنا لرجوعك

ربنا يعينك على الامتحانات وقرفها

د/ أحمد لاشين يقول...

امال سيادتك مختفية فين ؟؟؟
دي كلها مذاكرة مثلا ؟؟؟
طيب والله لو تقديرك نزل شوية بس بحساب كبير
وبعدين عالاقل ادخلي طمنينا علي المواد اللي فاتت
لن يشفع لك غيابك غير تفوقك في الامتحانات اما غير كده فبزعل كبير جدا جدا جدا

ليس فقيرا من يحب يقول...

اخبار الجميل اييييييييييه

والامتحانات عامله ايه

وحشتتتتتتتتتتتتينى

(حلـم) يقول...

اشكر لكي حسن الزيارة

واتمنى من الله ان تكوني دوما للامام


وفي اعى المواقع والمراتب اللهم حقق كل ما تتمنى الدكتورة الرائعة


امين..


اخبار صديقتك طوبى ايه؟؟


قافلة المدونة بدون اعذار؟؟

طب ليه؟؟


بعدين انا زعلان منها؟؟


بلغيها اسلام من حلم


والله الصيدلية ماخدا وقتها واهتماماتها

بلاش افتح صيدلية بجوارها وما خليها تبيع شيء ارجعيها للاثير

♥نبع الغرام♥♪≈ يقول...

وحشتينى ياقمر

يارب تكونى بخير
وترجعى تانى تنورى مدونتك

سمعت انك منحوسه اوووى والنت كان فاصل والشاشه فرقعت فى وشك
ههههههههههههههههه

منحوسه من يومك

ان شاء الله ربنا يكرمك وترجعى احسن من الاول
ايناس

غير معرف يقول...

ربنا يتقبل منك يا رب

و الداعي الى الخير كفاعله .. و ان شاء الله ربنا يوفقك في الامتحانات و تطلعي الأولى كمان

أول زياره ليكي و ان شاء الله هرجع تاني قريب

يا ريت تنوريني هنا و تشرفيني بتعليقك

http://ra7alaat.blogspot.com/

شكرا لوقتك :)

♥نبع الغرام♥♪≈ يقول...

احم احم


ايه اخبار المعركه خلصت ولا لسه يا بت

البلوجر وحش من غيرك ربنا يطمنى عليكى يارب ويكرمك خير
بجد وحشتينىىىىىىىىىىىىىىىىىىىىىىى

♥نبع الغرام♥♪≈ يقول...

ضرورى طمنينى وارجعى بقا

موووووووووووووووووووووووووووووووووووواه

طهر فؤادك يقول...

السلام عليكم ورحمة الله وبركاتة

ربنا يكرمك يارب والمسلمين

اخبارك اية ؟؟

بيطرية ومش بايدى يقول...

احم احم
نبتدى الرد على التعليقات ولا اقولكم
انا هاقول حاجة واحدة بس
بحببببببببببببببببببببببببببكم
ووحشتوووووووووووووووووووووووونى مووووووووووووووووووووووووووووووووووووووووووووووووووووووووووووووووووووووووووووووووت
بجد بجد كنت حاسة ان ناقصنى حاجات كتيييييير
بس خلاص هاكملها
بجد بجد وحشتونى كلكم
لو قعدت اقول من هنا لبكرة الصبح وبعد بكرة كمان

(حلـم) يقول...

ازيك يا نوارة


واتمنى ان تكوني بخير


سؤال؟؟


صديقتك طوبة سبتنا وقالت عدولي طب لية؟؟؟


زعلانة من حاجة؟؟


سلملي ع طوبة والسلام امان

مدونتها مغلقة لية؟؟

دمتى بود

بيطرية ومش بايدى يقول...

جلم جميل
هو انا كويسة الحمد لله
بس مين نوارة دى
ما علينا كله بيمشى اليومين دول
والله مش عارفة هى فين المدونة بتاعتها هى عملاها للقراء فقط مش عارفة ليه
اه للعلم انا معرفهاش شخصيا وكده
انا ارفها على البلوجر وبس
يعنى عمرى ماشفتها ولا اعرف حتى هى منين انا بقول كده لان امانة السلام احتمال مااكونش قدها
ربنا يقرب البعيد وترجع لنا بالف سلامة