الجمعة، 31 ديسمبر، 2010

انا لسه عايشة ياعيال

سلام عليكم ياجدعان
عاملين ايه من غيرى
اكيد طبعا مرتاحين
طويب يارب دايما
انا جاية اقول كلمتين
بمناسبتين اولهم ان النهاردة اخر يوم فى السنة
يبقى بديهى كده بداية السنة الجديدة:D
وثانيهم ان كان فى النهاردة لقاء تدوينى واكيد هيكون جميل بالحاضرين
انا ادعى من ساعة ماعرفت انه يكون حلو
نهايته يارب تكون سنة سعيدة
عليكم وعلينا
وخير على المسلمين وبالمناسبة السعيدة دى فانتم لازمن تشربوا
ايوون عشان تنسوا
تنسوا كل حاجة سودا ومقرفة ووحشة وكئيبة
ونبتدى بقى بصفاء كده ونقاء
الا مين صفاء دى؟؟؟
ماعلينا يــــــــــــــــــــــــــــارب تكون سنة نتوسم فيها
كل خير ونحقق فيها حاجات احلى واحلى
وتكون كوارثها ومصايبها اهون شوية
فاشربوا





                                      دى ميه على فكرة (مــــــــاء)
وعشان انا باجاى كل سنة مرة فلازم اجيب  حاجة  special
انه ال egg
                                                   


عشان انتو اعز حبايب بس



وبطيييييييييخ كمان اى خودعة واحنا بنيجى هنا امتى يعنى

 دى معناها ان ايامكم كلها تكون مشرقة يااااااارب
ويرزقكم رضاه وحب الناس
ملحوظة
انا كتت الوست تحت ضغوط
اولاعايزة اكل
ثانيا عندى امتحان بكرة
ثالثا وده الاهم انى هاضر كمان شوية
فميش كلام حلوة ممكن يعجبكم هو ده اللى عرفت اكتبه حاليا










هناك 14 تعليقًا:

صيدلانيه طالعه نازله يقول...

مدام العريس حيتجوز يبقى العروسه حتتجوز
و مدام النهارده راس السنه يبقى حتما ولابد ان بكره اول السنه الجديده
هههههههههههههههههههههه

كل سنه و انتى طيبه يا قمرايا
و سنه سعيده عليكى يا حبى
ميرسى عالبطيخ الرومانتيكى اخر حاجه ده
تعيشى و تمأمأينا
ههههههههههههههههههههههههههه
تشربينا ميه يعنى
هههههههههههههههههههههههههههههه

متغيبيش تانى بقى

بيطرية ومش بايدى يقول...

تعديل اخر 3 سطور
انا كتبت البوست ده وانا مش محضرة اى حاجة مع انى عندى كلام كتييييييير وادعية ليكم كتييير وربنا العالم بقى
يارب تكون ايامكم كلها سعادة ويكرمكم ويكرم المسلمين كلهم ويجمعكم دايما على خييييييييير
ودمتم سالمين

shemo_ joker يقول...

السلام عليكم....


كل سنة وانتى طيبة مش مهم انتى محضرة ولالا المهم اننا مع بعض هنا

وكل سنة وانت طيبة
وربنا يوفقك يارب

ونكون هنا مع بعض دايما

دومتى بخير
فى رعاية الله
shemo

قلم رصاص يقول...

كل سنه وانتي طيبه
وعام سعيد عليكم وعلينا

وربنا يوفقك في الامتحانات ان شاء الله خير

تقبلي تحيتي

سمكه واحده يقول...

كل سنه وانتي بخير
وحشتيني
كمان بقي ربنا يحعلها سنه سعيده علينا كلنا برغم الاحداث اللي حصلت عندنا دي بس مش مهم احنا جتتنا خلاص نحست
ربنا يصبرنا

شمس النهار يقول...

كل سنة وانتي طيبة
وان شاء الله سنة سعيدة جميلة عليكي

мαησηα يقول...

كل سنة وانتى ملاك ومش بايدى

يا حبيبتى ويارب يجعلها سنة

فل عليكى وعلينا يارب

وربنا يعديلك الامتحانات ع خير يا ست

البنات وتفرحينا بنجاحك قريبا

جدااااااا

وحشتينى اوى ع فكرة بقه

عاشق الجنة من الإخوان صلى على النبى يقول...

طيب الحمد لله
انا قلت انك خلاص
صلي علي النبي

عاشق الجنة من الإخوان صلى على النبى يقول...

طيب الحمد لله
انا قلت انك خلاص
حمداً علي السلامة
ههههههههههههههههههههههه
صلي علي النبي

بيكر(baker) يقول...

ربنا يجعلها سنة خير و التغير اهو الحمد لله بدا

الازهرى يقول...

تررررررررررررررررن
الامتحانات خلصت ولا لسه ؟

momken يقول...

طيب ياستى كل سنه وانتى طيبه

وميرسى هلى حته البطيخه من ان زمان الناس الكويسين كانوا بيجيبوا بطيخه كامله

وياريت حتى الحته رحمتيها دانتى كمان قعدتى تنقنقى فيها...ال ايه بتكتبى فيها اركت...
ماشى ماشى

عوداً احمد

وعام سعيد ولقاء توينى ممتع ياستى


تحياتى

momken يقول...

انتى فين يا بيظريه

بتغيبى كتير اووووووووووى


انا جاى اسال بس


تحياتى

بيطرية ومش بايدى يقول...

عذرا
واسفة جدا
على عدم الرد على التعليقات
بس كل تعليق
له مكانته الخاصة عندى
:)
وربنا يدينا ويديكم الصحة وطولة العمر وتعيشوا فى سلام وتبات ونبات وحاجات ومحتاجات كويسة وكده يعنى
-------------
ممكن
انا كويسة الحمد لله
شاكرين سؤال سعاتك
بس انا فى اهبة معركة الامتحاناات
ادعولى انتصر